يقول منهو يغرش الشعر بغراش = غرشة ذهب من بحر مافية شكه
سبك الذهب يحتاجله حرب وهواش = وقوة عزم والـــ كل قفل مفكه
وطبع الحديد الصلب غير البلكاش = والبني رص ابكلة فوق ابلكه
واللعب يبغى قرب ماهوب غشاش = يعيش منهو فاز في كل صكه
من بعدها لشعر مغزا ومطراش = اختار درب الحب عن كل سكه
بنت الرجال اللي من الطيب تعتاش = ماهيب بنت اوغاد والا شلكه
ياهيه ياللي دونتس البعد بطاش = انتي كويتيه وانا وسط مكه
بيني وبينتس حد وجبال و حراش = وبيني وبين الموت يازين تكه
ماباقي الا اشوي والدش الانعاش = جاني يشيل الهم كأسه وجكه
ولولا ضلوعي تمسك القلب ينحاش = مير الضلوع العوج قامت تضكه
(قلبي كما الطيار والبعد منقاش ) = اللي برمية حظ صادة وشكه
كذبة حقير بين برنو ورشاش = زكه ياصحاف الطراطير زكه
وصدقتها واثر الخبر ياعرب ماش = صحاب يكذب والقنابل تدكه
اعلام متهور وتفكير حشاش = ياللي تجيب العلم بالصدق وكه
ونرجع لموضوع يابو رمش عكاش = ياللي بقلبي لك مجالس ودكه
قرمشت قلبي قرمشت كيس فشفاش = بيدين طفله عاجزه لا تفكه
مستانسه تضحك على طاش ماطاش = والكيس بيدينها بقوه تحكه
من بين اصابعها يخرفش تخرفاش = وبسنونها تضغط عليه وتمكه
ياهيه ياللي شوفتك برق ورشاش = الحب ماكو من بلاويه فكه
ابسألك وهات الخبر كاش = خلك معي والعلم ذا اللحين ذكه
اشتقت لي ؟ والامخادع وبكاش = هات الخبر هاته برقمه ونكه
ولوجيتلك يازين وعروقي اعطاش = انته تفك الباب والا تصكه
اجيك انا يجعل يفداني الاش = واضرب على قلبي بشوفتك وبكه
أهم شي تحط لي قلبك افراش = وعلى ظلوعك ظم صدري وركه
والدمع له منديل والجرح له شاش = ولزبد ماعونه لسمن عكه
واختامها قلبي كما كيس فشفاش = بيدين طفله عاجزة لا تفكه
لشاعر : عبدالرزاق الذيابي
آخر المواضيع
كيـس فشفاش , 
