ياغرامي
ياغرامـي سافـرت كــل الـحـروف =إعـذريـنـي مـعـتــرف ، يامـسـلـمـه
أعترف بالبخل في حـق الضيـوف! =غـيــر قـلـبـي وش تـبـيـن أقــدمــه
مرنـي مـن عطـرك العابـر طيـوف =تنـشـر آيــات الـرضـى والمرحـمـه
أنتي عـن كـل الخلايـق فيـك نـوف =نــادرٍ جـنـسـك عـسـانـي مـاعـدمـه
حارنـي وصفـك وطولـت الوقـوف =فكـرتـي خـرسـا وشـعــري تمـتـمـه
أنتي مايحتـاج وصفـك بالوصـوف =أنـتــي ديــــوانٍ بــــدون مـقـدمــه
من يشوفك في نقابك ، وش يشـوف =شـمـس صـبـحٍ بالـسـحـاب ملـثـمـه!
لنتشـر ليـل الشعـر فـوق الكتـوف =صـاح مظـلـوم الـهـوى ، يامحكـمـه!
فـي عيونـك دار فـكـر الفيلـسـوف =كـنـه يـقـرا فــي عـيـونـك ملـحـمـه
كـن بيـن أهدابهـا مصنـع سيـوف! =تحـتـهـا كـــل الـقـلــوب مـحـطـمـه
مالنـا فـي عـالـم الـحـب مـعـروف =نعـتـبـر مــنــك التواضـع،مـكـرمـه
ماحـدٍ فـي حالـة العـاشـق يــروف =والـظــروف تـعـاكـسـه مـاتـخـدمـه
مابقـى لهـل الهـوى قلـبٍ عـطـوف =غـيـر قـانـون الـعـصـور المظـلـمـه
وينكم ياهل الهوى ، صفوا صفوف =شـكــلــوا للـعـاشـقـيـن مـنـظــمــه
الهـواوي بيـن ظلـم وبـيـن خــوف =صـابــرٍ عـبــر السـنـيـن المعـتـمـه
كم سنه مرت ، وكم مـرت ظـروف =بيـن عصـر أدم وعـصـر العولـمـه!
----
الشاعر/فـيــصــل الـريــاحــي الـبـقــمــي
آخر المواضيع
ياغرامي 
