من روائع الشاعر/ راشد بن حسن ابن الذيب العجمي

تمتع بهزلات الليالي لعلها=توصلك هزلات الليالي اسمانها
تمتع بها لعل حاجتك تنقضي=ترى النفس وان عزيتها طاب شانها
دوى القلب في لذات الايام ساهي=يحسب الليالي دايمً له زمانها
ارى مايرى النايم من الوقت لوعه=وعند انتباه النفس ذا الوقت خانها
وانا الذي سجيت باول طفولتي=وارى الوقت هومات الاجاويد هانها
يقولون ماش الوقت ممشاه ربما=ترد الامور الماضيه لامكانها
انا اقول لو امشي على الرجل انما=هذا الوقت لاشك العرب وين امانها
ارى الوقت وقتي غير الاصحاب وينهم=هذا ماجرى والناس كثر امتحانها
الايام هي ليام تبذل وجودها=والاصحاب فيها ماترى الا بنانها
لحا الله وقتً مايساعد هل الوفاء=تعيش الثعالب فيه واطول اذانها
وانا اشوف ذا الدنيا علينا تغيرت=راعي المنزل العالي نزل في طمانها
يحل الردي فيها على كيف مايشاء=والاجواد فيها جات وحده ثمانها
هذا الوقت شفت الضان تركب افحولها=والاجواد قام يشيخ فيها جبانها
فلا خير في الدنيا ولا خير فالردا=ولا خير في قومً رديً ابطانها
على الخلق لو بينت ماكنه الحشا=تزال الجبال الراسيه من مكانها
تزال الجبال ولرض تهتز كنها=تزلزل صليب احجارها مع ليانها
امن الهم نفسي كل شيً يكودها=ماتلتفت لأقرب قريبً اوزانها
الاهي ملاذي كل شيً بقدرته=ايسيرون بالدنيا وبيده اعنانها

لانوينا البر و الكشته جميله
والجيوب مجهزه لا اجل المساري

وجلسة يا ذيب في هيفا ضليله
ودلة مع طيحة الضل العصاري

تجلي عن قلبك هواجيس ثقيله
وكل من حولك من سباع ضواري