طلبتك خذ قلبي معك لا تخليه=اخذه ترى ما عاد لي فيه حاجه
لاصرت عني مبعدٍ ويش أبي فيه=خله معك مادام صعب أنتواجه
أول خفوقي صوتك العذب يحييه=واليوم ما حصلت غير انزعاجه
نوره طفى من عقب ما كنت مضويه=عقبك خفوقي بات مطفي سراجه
مالي مزاج أحب غيرك وأحاكيه=حتى لو أني كنت داخل مزاجه
غلاك مهما كان ماني بناسيه=منساه لو غيرك ضحك لي حجاجه
أنت بحياتي وين مارحت الأقيه=ألقاك في حزن العمر وأبتهاجه
أموت في جرحك وأحبه وأداريه=وخايف مع الأيام ألقا علاجه
كن النظر من يوم ما غبت معميه=احرجت قلبي وأنت سبه أحراجه
كمل جميلك طالبك لا تخليه=أخذه ترى ما عاد لي فيه حاجه
لشاعر / نصار السويط
أختياري / فجــــــــــــر
آخر المواضيع
امــوت فـي جـــرحــك 
