السلام عليكم ورحمة الله وبركاته
الله يسعد أوقاتكم بكل خير,,,
هذه مصافحه أولى وأنشاء الله تنال أعجابكم.....
من يديني متلفـات الحبـر واوراق القوافـي=ولعيونك متلفـات العشـق ياعـذب التثنـي
جاتك اهجوس القصايد من ورا الحدب النحافي=مير ماأشوف الرموش العطش ردتها وجنـي
يابعد روحي وأنـا لوقلتهـا ماهيـب تافـي=وأنت روحي وأنت دون الناس والخلان منـي
لايطاولـك العتـب بـردان والميعـاد دافـي=وآخر الليل انتحابي والنجـوم ابـك اكهفنـي
وكان حظي منك تقليب المواجـع والخوافـي=يارفيق الشوق ضيعت الطريق وخـاب ظنـي
والله انك للجـروح الكايـده بالحيـل وافـي=مثل ماني وافـي لعيونـك السـود وخذنـي
ياحبيبي و أنت مدهال الغلاوش فيـك غافـي=هات نصف النوم ولا هاك ثلث السهر عنـي
لـك طعـونٍ بلحنايـا لاتميـت ولا تشافـي=بحتها مابين فهقك للجديـل وضحـك سنـي
وكل ماجيت التفت لك وانشدك واقول كافـي=خفت لاتذكر لها باقي وأنـا ادري بـك تثنـي
مير ياسيد البنـي وعذبهـن منـك عوافـي=فدوتين ان كان صف الرمش رد الشعر عني
وسلامتكم
خالد العتيبي
آخر المواضيع
يابعد روحي/م/أولى..... 
