اخواني واخواتي الاعزاء اسعد الله مساكم بكل خير
يسعدني ان اضع هذه القصيده بين ايديكم الكريمه
واتمنى ان تحوز على رضاكم
[POEM font="Simplified Arabic,6,black,normal,normal" bkcolor="transparent" bkimage="backgrounds/13.gif" border="double,10,indigo" type=3 line=200% align=center use=ex length=0 char="" num="0,black" filter=""]
البارحه يوم المخاليق هجاع= والعين من حلو المنام محديه
اشوف لي ناسٍ لها اشكال وانواع= والراي بين ثنين ماهو سويه
كلا يقول انه على درب الاسناع= حتى الذي ممشاه كله خطيه
وان كان بيدي صعب تغيير الاوضاع= اضعف ليمان بداخل القلب نيه
ماني رسول الحق قدام من ضاع= الهادي المعبود رب البريه
وتركت مالا يعني عليه لي اطباع= يمكن علي ترجع حسانيه سيه
باجنبه وفجوجها توي اوساع= والحمد للي مدها جرهديه
وانا احمد الله دوم للحق تباع= واصغي لراع العرف بذنٍ وعيه
لي مع رجال الطيب مدخل ومطلاع= اهل الكرم والدله الشاذليه
وكم واحدٍ بالطيب راهي وله باع= فالمقديه دايم عزومه قويه
تلقاه فالمسجد ولله خضاع= يرجي ثواب الله جزل العطيه
خفيف نفسٍ لا نصيته ونفاع= وان كبرت القاله يحل القضيه
ريف الخوي والجار للعود مطواع= بالضيف يفرح والسوالف طريه
واللي سوالفهم مثل طب الاوجاع= ترتاح معهم كل صبح وعشيه
والمرجله ماهيب تشرى وتنباع= وهبه من اللي عالمٍ بالخفيه
في راس مزمومٍ تعلى على القاع= مايطلعه من طاح في كل فيه
وختامها واعداد ماهب ذعذاع= صلو ا على شفيع الامه نبيه
وسلامتكم نعير بن شلوان
[/poem]
آخر المواضيع
((((ماني رسول الحق قدام من ضاع)))) 
