يازين انا افطر والجماعة يصومون

يا زين انا افطر والجماعه يصومـون= افطـر الـي مريـت واقفيـت عنـي
افطـر وكـل النـاس ماهـم بيـدرون= افطـر وانـا مـا أكلـت زادٍ يسنـي
والنـاس يامظنـون عينـي ينامـون= وانـا طـوال الليـل يازيـن اونــي
عليك ياللـي عنـدك القلـب مرهـون= وعيونـي الثنتيـن لــه يسهـرنـي
والحال من فرقاك مـن دون فـي دون= ولا محنـك بحالـك الـلـي محـنـي
واللي تغليتا تـرى الـرزق مظمـون= تجيـنـي ارزاقــي بلـيـا تمـنـي
غلاك في قلبي عن النـاس مصيـون= واخفيه بلسانـي اللـي قمـت اغنـي
ان مت منك وصرت في القبر مدفـون= فالـروح عنـدك لـو تغيبـت عنـي
وان جتك روح الروح خذها على الهون= ولا تعذبـهـا الــى جـتـك مـنـى