السلام عليكم ورحمة الله وبركاته
هذه أول مشاركة قصيدة خاصة موجهه الي الضيغمي عسي أن تحوز علي رضاكم
[POEM font="Simplified Arabic,4,black,normal,normal" bkcolor="burlywood" bkimage="backgrounds/1.gif" border="none,7,indigo" type=0 line=200% align=center use=ex length=0 char="" num="0,white" filter=""]
وشفيك يا الضيغمي خاطرك عمساني=أجلس في بيت الشعر والنار مشبوبة
نار~تواقد عليها دلال رسلاني=ودلتك يا مكرم الضيفان مشروبه
نبي نتسلي ولو شوي من شاني= طالبك خل الحزن يا شيخ هالنوبه
تري الأماني توًرث دوم الأحزاني=والرجل ينبيك عن منطوقه أسلوبه
ما غيًر الناس غير فلان وفلاني= والثالث اللي علي ما قيل غروبه
خلوا حقوق العرب والجار والعاني =والأجودي ضيًعوا حقه وماجوبه
أنا أدري أنك من اللي صار مرضاني= يا شيخ زلتك عند الناس محسوبه
دنيا وشانت علي الأجواد من داني=ما كل واحد تجي له حسب مطلوبه
تراك يا شيخ لا لوًل ولا الثاني=والمشكله جات من صدام وحروبه
لابد يلقي مصيره كل خواني=والله يعفو عنه كان أعلن التوبه
ما شفت بغداد يحكم فيه نصراني=والخير في هيت والعوجا وبعقوبه
دان العراقي بعد ما دان الأفغاني= الله يستر حرمنا وجهوا صوبه
والمملكة دونها ذربين الإيماني=أرواحهم في سبيل الله مجلو به
ملبوسهم في نهار الكون الأكفاني=وأجيوشها الغرب بأمر الله مغلوبه
نموت والأرض واللي فوقها فاني=تري المنيًه علي المخلوق مكتوبه
الله يحفظ فهد من كل شيطاني=للشرع والمملكة والدار وأشعوبه
[/poem]
آخر المواضيع
دنيا وشانت علي الأجواد من داني 
