فيما يلى قصيدة كتبها الشاعر الفحل ابو الغلاء المغري فى ذم الامير علاء بن مبارك
حيث ان فى عصره استشرى الفساد
وطال البلاد هم وغم من الكساد
وصار الغلاء سيفا مسلطا على رقاب العباد
واستأثر الامير باكبر مناب من التجارة
حتى تسائل الناس ايه العبارة ؟؟؟
وفيما يلى ابيات القصيدة العصماء
ابن زوزو مد بوزو
من ورانا كل غدانا
لما شافنا شعب ساكت
كل عشانا
واد يعوم علي كل موجة
والعوام يبقي ابن وز
ينزل اي سوق يهز
عالرقاب سكين تجز
وبالنفوذ فلوس تنز
الفلوس دي منين يا لولو
الفلوس من عند جدو
جدو كان بياع بليلة
لما كان يكسب ريال
تبقي ليلة بالف ليلة
قصدي جت من عند عمو
عمو كان نبوت غفير
يعني كان خدام وزير
عيشتة كت بالحيلة نيلة
يبقي جت منين يالولو
ايوة جت من عند ماما
اصل ماما بنت عز
بس عز كان مقشف
مايساويش اردب رز
يبقي جت منين يالولو
يبقي جت من التجارة
والتجارة في الادارة
والادارة في العبارة
والعبارة في الدوبارة
والدبارة من التجارة
والتجارة مش شطارة
انما حبة حظوظ
برضة جت منين يالولو
يبقي جت من عند بابا بالنفوذ
والنفوذ بيجيب فلوس
والفلوس تجيب نفوذ
والنفوذ يجيب غلاوة
والغلي جزمة عساكر
عالرقاب تضغط تدوس
والغلا قانون طوارئ
حاجة طابقة عالنفوس
اة يا مصر لو تقولي
يبقي مين ابن التيوس؟
ابو الغلاء المغري
المفردات الصعبة:
زوزو: ماما سوزان
لولو: علاء
بياع بليلة: الحقيقة التاريخية تقول انه كان كاتب محكمة شرعية
عساكر: تلميح حول الثورة المباركة وحكم العسكر
قانون طوارىء: قانون كان معمول به فى العصر المباركى لتكميم الافواه
ابن التيوس: المعنى فى بطن الشاعر.
منقوووووووووول
تحياتي
آخر المواضيع
الشاعر الفحل ابو الغلاء المغري 
