المواااااجع

يا الله يا معبود يـا والـي الكـون=يـا رافـعٍ سبـعٍ بليـا عمـدهـا
يا عالـم بخلقـه ومـاذا يسـرون=سبحانك العالم ومحصـي عددهـا
أفرج لي همٍ بين الأضلاع مكنـون=حالي من أسبابـه تـرداء جهدهـا
سنين تمضي والمواجـع يزيـدون=تقبل وتقفي مـا رحمنـي نكدهـا
العمر قفَا وزهـر الأيـام يمضـون=والمـر ذقتـه ماعرفـت لشهدهـا
ولا أظلم سواد الليل نامت به عيون=ألفت علـي افكـار وألفـا جلدهـا
قمـت أتفكـر والمدامـع يهلـون=بهذي الحياة اللي نسانـي سعدهـا
دنيا تغير مـا عرفنـا لهـا لـون=يا بخت منهو جاهلٍ فـي عهدهـا
كم من حزينٍ من عناهـا ومغبـون=وياكـم بـالٍ راحتـه قـد فقدهـا
وكم من شجاعٍ راح واليوم مدفـون=بين النصايـب وأستقـر بلحدهـا
وكم حرةٍ من وقتها عانت طعـون=ذاقت مآسـي وقتهـا مـن ولدهـا
كانت تظنه في زمنها لهـا عـون=وعلى المصاعب عزها هو سندهـا
ضيع أملها و فيه خابت به ظنـون=وبأسباب طيشه كبدها كـم لهدهـا
وكم من فقيرٍ شاف ويله ومحـزون=عزيز نفس وحاجتـه قـد جحدهـا
وياكم من قـرمٍ بطيبـه يمـارون=حلال صعبـات الأمـور وعقدهـا
وذاق الغبينه مـن عيـالٍ يعقـون=باأسبابهم عـاش الحيـاة بزهدهـا
وعلى النواقص صارو اليوم يمشون=يقطعـك يابـذره تـرداء حصدهـا
وبعض الشباب تشوفهم مايصلـون=وش قدمو للاخره فـي وعدهـا ؟
لهذي الحياة وشغفها كـم يشـرون=وأفضال ربي نـادرٍ مـن حمدهـا
وكم جايعٍ غيره من الخلق يهنـون=شاف العـذاب ولقمتـه ماوجدهـا
عجايبٍ فيهـا عيونـي يحيـرون=با أسبابها عيني شكت من سهدهـا
يالله ياللـي لـه عبـاده يعبـدون=ترحـم لجفـنٍ ليلتـه مارقـدهـا
فيك الرجاء يارب ياوالـي الكـون=عندي أمل في يوم يقبـل سعدهـا