هذه قصة تاريخية كتبها واحد " محشش " !!
المشـهد الاول ::
عواد فارس القبيلة الذي لا يشق له ثوب يمتطي جحشه وينطلق الى الغدير ليسقي جحشه ... فيشاهد مجموعة بنات يردن على الماء.. فيقول: وش هالزحمه والله لو أنه خباز ...
ثم يرى بينهن سلمى فيدق جوال عواد وقلبه ويغني ..
شفتك ولا حطيت عيني بعينك
ويغادر الغدير وسط ضحكات البنات الله يرجهن ....
المشهد الثاني ::
سلمى تشكي حبها لخويتها مطيعة التي ترد عليها اسكتي يا شينه والله مالك غير ولد عمك سالم ..
فترد سلمى عليها : كش عليكي يا دبه لا تحطمين مشاعري !!!!
المشهد الثالث ::
سالم يتقهوى عند عمه الشيخ ابو سلمى شيخ القبيلة .. ويطلب يد بنت عمه سلمى وقرونها !! فيوافق الشيخ ويخبر سلمى بالخير فتغضب سلمى وتقول : يا بابا سالم داشر ويدخن مالبورو أحمر وما معه شهادة كيف اخذه .. ؟!!
فيرد ابوها ..انثبري يا ملا الوجع ، مالك إلا ... ولد عمك اولى من الغريب
وبعدين سالم هو فارس القبيلة والكل يحبه صحيح أنه ما يكتب مواضيع زينة في الملتقى الأدبي لكنه شجاع
المشهد الرابع ::
عواد يقابل سلمى بسوق الحريم ومكان الغزل حق القبيلة الغدير ويتبادل معها هدايا الحب .. أهداها كرتون تمر وهي أهدته كيس جريش ..
عواد يقول لسلمى : ليش يا عمري منتي حاطة بلوك على ولد عمك سالم ؟!
فترد سلمى عليه : منيب ما أقدر ..
وتخبره سلمى بخطبة سالم لها... فيحزن عواد وتدمع عيناه ( دخل فيها تراب )
المشهد الخامس ::
الشيخ ابو سلمى ورجال القبيلة مجتمعين في بيت الشيخ يشاهدون برنامج من سيربح المليون
يأتي مصيول راعي القبيلة يصرخ : الحلال ياعمي انسرق.. الحلال انسرق ...
ويهب الشيخ ورجاله واقفين على حيلهم ويصرخ الشيخ ابو سلمى ويقول :-
من سيرد الحلال ويربح بنتي سلمى وله ثلاث وسائل مساعده:- ياخذ بارودتي وحصاني -- او يحذف عصا -- او يتصل على مصيول ؟؟؟؟
ويقف سالم ويقول " انا لها يا عمي ...
وينطلق سالم على حصان الشيخ ليلحق بالغزاه ليرد الحلال
المشهد السادس ::
الغزاه يمسكون سالم ويصفقونه وياخذون حصانه وبارودته ويخلونه يدقها كعابي للقبيلة .. طلع خرطي !!!
وهنا يقفز عواد ويقول : محد يرد الحلال غيري فيرد الشيخ قم بس قم !
وينطلق عواد ويلحق بالغزاه ويطخطخهم كل ابوهم وامهم ويرد كل الحلال ...
يهب يا وجهه .. علشان الحنان .. ولا هو من جنبها ..
ماعدا كم عنز ماتن بالطريق من حمى الوادي المتصدع !!!!
المشهد السابع ::
يصل عواد مع الحلال للقبيلة ... وهو سعيد صالح بفوزه بسلمى ... ( بالهدف الذهبي )
وتتم الخطوبه والشبكة ( أبراجها فل ) وعمت الفرحه القبيلة ويتم تحديد الزواج في
العطلة الصيفيه في قاعة جرف ليالي الغنم ..
ويشتري عواد كم حصان بالتقسيط ويبيعهن كاش حتى يوفر متطلبات العروس وجهازها.
المشهد الثامن ::
قبل الزواج.. بكم شهر بدأت تمرض سلمى مرضاً شديداً وبعد ان عجز دكاترة القبيله في علاجها يأخذها ابوها الى المدينه ( تورط المخرج ) ويعرضها على اكبر الاطباء ..
وبعد فحوصات شاملة يقرر الطبيب ان سلمى تحمل صفات وهرمونات ذكوريه!!
ولابد من عمليه لتغيير جنسها من امرأة الى رجل .. ( قعد بها عواد )
وتتم العمليه وتصبح ( سلمى ) عقاب <==== مهو هذا اللي بلا أبوه
المشهد التاسع ::
فرح ابو سلمى لانه يريد ولداً يرث حكم القبيلة بعده .... ( يا شين هالوراثه )
وفرحت سلمى التي اصبحت عقاب لانها كانت معجبه بصديقتها نوفه
ودزتلها ايميل وبشرتها ...
واخذت تسجد شكرا لله ..
وعادوا للقبيلة بعد ان تبدل حال سلمى الى عقاب وقصت قرونها بعد ما كانت تسوي شعرها كعكه لأنه خشن
المشهد العاشر ::
يصل الخبر الى عواد الذي كان قد جهز بيت الزوجية ( خيمة )
فيسقط مغشياً عليه ( مسكين .. ماله دور ثاني ) فيشممونه كلونيا وبصل ولكن
دون جدوى فقد مات عواد ... ( لو شمموه شماغه صحى ) .. وعلم عقاب ( سلمى ) بموت عواد فحزن حزناً شديدا جعله يتزوج من نوفه !!!!
آخر المواضيع
هذه قصة تاريخية كتبها واحد " محشش " !! 
