اهداء الى الجميع قصيدة الذهب للشاعر حامد زيد

يا كثر ما رافقـت خـلان وأصحـاب = وياكثـر مـا فـي شدتـي هملونـي
على كثر ما أعدهـم ستـر وحجـاب = على كثـر مـا احتجتهـم وتركونـي
من صارت الخوة ثمن حفنـة تـراب = نفس الوجيه اللـي نصونـي نسونـي
من غير ذكر عروق وفروق وأنسـاب = كانـوا ثلاثـة والثـلاثـة جفـونـي
علمتهـم كيـف الأهـداف تنـصـاب = ولمـا سواعدهـم قـوت صوبـونـي
عشاني أصغرهم عمر صاروا أحزاب = عشانـي أصدقهـم قصيـد ظلمونـي
اللي نجاح أسمي زرع فيهـم أنيـاب = حتى النصيحة مـا بغـوا ينصحونـي
دام العطايـا عندهـم ديـن وأتعـاب = والله لو أطلـب ذنبهـم مـا عطونـي
طالب نصيحة كنـي مطالـب رقـاب = وهي نصيحـة كيـف لـو زوجونـي
كنت أكتب لنفسـي مشاريـه وعتـاب = ولا أدري ان اللي قروني .. قرونـي
تضاربت من دونـي عقـول وألبـاب = واجد بغـوا غيـري واجـد بغونـي
أقفل هدب تسهر على شعري أهـداب = كني حبسـت رقادهـم فـي جفونـي
لو شفتهم واحـد يشوفونـي أسـراب = من وين مـا لـدوا نظرهـم لقونـي
أثري وجودي بينهم محرق أعصـاب = ومزعل بعضهم من بعض لو طرونـي
يا كبري بعينـي وأنـا تونـي شـاب = وأهـم كتـاب الشـعـر حاربـونـي
حتى ولو يهوي على نجمـي شهـاب = يكفينـي أن اسمـي كبيـر بعيـونـي
قد قال أبوي إن هبتهم قول مـا هـاب = ولـو يقدرونـك قـول مـا تقدرونـي
وما دام قبري محتضن راس مرقـاب = علـى قـد مـا تقـدرون ادفنـونـي
لو ماني بذيب نهشت عظمـي ذيـاب = ولو ماقدرت أثبـت وجـودي لغونـي
لو ماسكنـت وجيههـم مـت بغيـاب = لو ما عرفت أمحي ورقهـم محونـي
ما جيت أبدبل كبدهم شعـر وخطـاب = ليـن دبلـوا كبـد الـذي خلفـونـي
ياويل وجهـي كـن للدمـع مخـلاب = ما جف ماه وما استحى مـن طعونـي
كل ما طرالي منظر مريـب وارتـاب = كان الوحيـد اللـي يحـرك شجونـي
قبلة صلاة وذكـر وخشـوع وكتـاب = وأمي علـى سجـادة النـور دونـي
تدعي لي الله يفتـح بوجهـي ابـواب = تتوسلـه بالشـدة يـكـون عـونـي
مـن كثـر مـا خفاقهـا بالدعـا ذاب = صارت تحس إن زمـلاي كرهونـي
بشرتها يمه معـي ربـع وأصحـاب = مانـي لحالـي واجـد اللـي يبونـي
من يوم ما حاز قلمـي كـل الألقـاب = قلطتهـم فـي دفتـري وحفظـونـي
الله وهبني هـم بنـي عـم وأجنـاب = من يوم ما جيت أعجبتهم و أعجبونـي
وإعجابه فيني ما هـو بيـة إعجـاب = باسلوبي بشرحي بطرحـي .. بلونـي
لو قلت عن نفسي بشر صرت كـذاب = لو قلت دمـي مـن ذهـب صدقونـي
لو كيفهـم زرعـوا دربـي أعشـاب = لـو بيدهـم يتشبهـون.. شبهـونـي
من كثر ما صاروا من طبوعي قـراب = حتـى بلبـسـة شمغـهـم قلـدونـي
واجد دعوني وأغلقوا من دوني البـاب = وكثار ناس أبكـي لهـم مـا بكونـي
لو طالوا لهدمي مناسيـب و أطنـاب = كان وغلاتك مـن زمـان اهدمونـي
ما دام حطوا فينـي عيـوب وأسبـاب = ذبحـت نفسـي قبـل لا يذبحـونـي
أنا يدي لو مـا كسـت متنـي ثيـاب = نذرا علي أقطـع يـدي مـن متونـي
مو عيب أجي مدعو ولا أشوف ترحاب = حرمـت أروح إذا يبونـي يجـونـي