عادي

تحبني و الا تكابر وتهجر=هذا وهذا صار لي شي عادي
عودتني في حضنك انام واسمر=وعودتني من هجرك اصرخ وانادي
بيني وبينك عشرتن عمرها عمر=ما هوب حبن توه اليوم بادي
ذقت الحلاوة فيه واسقيتني المر=شهرين تغضبني وليلين هادي
فيك القدر كله بخيره مع الشر=امنت به لاشك يرفض عنادي
اطاوعك لو صاحبك مله السهر=خذها نصيحه جات علمن وكادي
لاصرت متوهم بحبك ومغتر=يرفض شموخي لانك انسان سادي
من فعل رمش العين والشعر الاشقر=كني كوين مصقلات الهنادي
وانا احمد الله عادة الحر يشهر=اليا نوى نيه وعاف الهدادي
عندي ارتبط وعدك مع البوق والغدر=لاتحسب انك في غزال الشدادي
عذب بكيفك مثل الاول واكثر=من كثر ما عذبتني صار عادي