تفاخر لعنبوا ابليسك

غريبه يامعاندني , تجي واتقـول جاك امـناك = تجـي يوميـن ثم تبعـد , وقصـدك بـس تذبحـني
غريبه كـل هالعالم , تلفّه لف في يمناك = ولا لك بين كل الناس , غيــري وانـت خابرنــي
تعوّذ من بليس وهاك , دام القلب , راضي هاك = عراق القلب واسكن دجلته , واحتل واشربني
أنـا والله لـولا الله , وخوفه قلت لجل ارضاك = وحبّك جيـت فــي الدنيا , ومِـنك اللـه خالقـنــي
أنا قارون برموشك , وانا فرعونهـا لـولاك = انا المذنب , وانا المؤمن , بشوقـك وانت كفُرني
أنا تجتاحني رجفه لوأسمع بـس , وقع أخطاك = أجل وش عاد لو شفتك ؟ , حشا , والله تموتني
أنا لو سلهمت عينك , بعيني , قلت لك نفـداك = أنا داخل بـوجه الله , ثم بوجهك لا تضيّـعـني
انا من وين ماوجهت وجهي , في الوجيه ألقاك = أحس انك تبعثرني , ولا ادري كـيف تجمعـني
أجي لك شرق يسرقني جنوبك , وانسحب منّاك = وأجي لك غرب يسرقني,غروبك وانت تشرقني
أحس انّك معي دايم , واتوه بعالمك واحياك = وافوق احيان واتسائل , لك الله كيـف سخّرني ؟
تفاخر لعنبوا ابليسك , ترى غيرك , يمـوت اهناك = وربي ينتظـر كلـمه , وأصد وهـو يكلمـني
ومادام الله عطا لـك شي , فاشكر واغتنم ماجاك = ومادام اتشوفني ساكن , نصيـحه لاتحرّكـني
أنا لوقلت لك بانسى , ورب البيت , صدق انسـاك = لذا : لـو شفتني بانسى , فانا طالبك تمنعني
واذا قررت تمنعني , وشفـت ان القرار أعـياك = مـا بيك اتقول وش تبغى , تـرى والله تضايقني
انَا أبغى .!؟ قول وش ما ابغى , على بعضك كذا أبغاك = ولعيونك , باخرّبها , وإذا مجنون قـيّدني
أنا ابغى كل مايطـري , عليـك(خالد) يهـز اقصاك = وابيك ان شفتني مذنب , بحبك تـوب واغفرني
أبيه ايصير في عيني , منامك والرموش اغطاك = وأبيه ايصير في عينك , منامي وانت تسهرني
أبي حبّـك , وأبـي قربك , وأبي لبّيه يالبّاك = أبي ضمّك , وأبي شمّك , وأبي لو طلـت تجرحني
أبيك ان قالوا الشاعـر , تقوم اتفـز دون ادراك = أبيك اتحس بي دايم , أنا اقصد وانت تسمعني
وانا شاعر مادام انّك , من الغاوين بس أهواك = تقول آقول مالا افعـل ؟؟ بسيطه , بس جرّبني
وقل مجنون لا يسمع , ولا يفقه , وانا اتحدّاك = إيلا منّي نويت انسى , باشوف اشلون تمنعني

يا غير مسجل نرجو منك دخول هذا الموضوع

http://www.albdoo.com/vb/t30010.html