اهداء..لخيال الزرقاء::

نفس المكان اللي جمعنا في ضحى يوم التلاق !

نفسه شهد باحْدى الأماسي شملنا لمّـا افــْـترق



يومٍ سألته صاحبي كيف انـْـت لا حلّ الفراق ؟!

جاوب ودمعه يسبقه :- كالغصْـن لا طاح الورق!



كان السؤال بْحدّته سهمٍ جــرح صـدره وضــاق

والهول من رمح الجواب اللي وسط صدري اخترق



يــا صاحبي لـو كان في مشوارنا ثمـّـة وفــاق !!

ما شفتني أسدل شراعي فـ ابْـحرك لجل الغرق



من حلم وصلك لهفتي عقلي تنبّـه واستفاق

للواقع اللي من محاديره جذب عيني الأرق



أخـاف من ناسـك عليك بْـيدّهم دمّــك يـراق

إن جاد غيمك بالعطا وامطر هشيمٍ بي احترق



هذا بلا كيد الرفــاق اللي ارتدوا ثــوب النفـاق

شفهم بشمس احقادهم من وصلنا صبّوا عرق



إحساسي من بطش الظروف القاسيه يا عمري فاق

إحساس شـاعر لا ابْـتكر فِـكـْــرَهْ قصيـدٍ وانسـرق



قلت انسحب دام الوفا حمله على كتفيك شاق

خلني وانـا بالحالتين المـوت عندي ما فــرق



بس انـْت كافي كم وفيت وصنت ذاك الاتفـاق

باحساسك اللي بالوله يرعد متى شوقي برق



بسألك من قبل المفارق خلـّـنا بْـطول العناق

نختم لقـا كوكب بنجمٍ كم على نوره شـرق



و ان جيت في نفس المكان اللي شهد مسك التلاق

... إكتب على الجــدران لــوعة شملنــا لمّـا افتـــــرق...


اهــــــداء خـاص ::لخــيال الزرقـاء:: في لحظـة غيابـه..الله يرجعه لنا بالسـلامه..

من مواضيع zoro
0 القبض على مجرمي التحرش بالفتيات في طريق النهضة بالرياض
0 كلمـــــات من الحيــــاة..عودة للمنتدى المفتوح بعد غياب ..
0 وصل للخمــــــسه وقول ايش هي هوايتك ..؟؟
0 هل تنتهي الحياه عندما نخطىء ؟!!
0 شنهو شعورك لو قال لك شخص اكرهك؟؟؟؟

توقيع zoro