هذا هوى بالي وهذا رصيدي...سوق النظر بين السهال الجراهيد

انا يجاذبني علـى البـر ثنتيـن=جمع الحطب ومعامل الشاذليَّـة
إليا حذفت الغمر من فوق غمرين=وشبيت نـاري والليالـي مديَّـه
وراكيت صفر ٍ فال شماتهن شين=فنجالهن ما سيق لاهـل الرديَّـه
وعلى سناها سقت كيف العريبين=اسوق فنجالـي لزبـن الونيَّـه
في خايع ٍ منوة طليق الحجاجين=ما دوجوه اهل الدبش والرعيَّّـه
ولا وطوه مجهجليـن الوراعيـن=اللي لهم في صيدة الضـب نيَّـه
قفر ٍ خلا وسمه تقافى نهاريـن=سيِّل دعوبـه مزنـة ٍ عقربيَّـه
فيه ام سالـم تستلـذ التلاحيـن=طير الربيع يجـاوب الراعبيَّـه
بارض ٍ نوايع عشبها يبهج العين=مـدة كريـم ٍ وافـي ٍ بالعطيَّـه
مع رفقة ٍ ربع ٍ كرام ٍ مياميـن=كـل ٍ يبـدِّي للكرامـه خويَّـه
مع رفقة ٍ فيهم رجوح الموازين=في سلمهم ما فيه هـاذي وذيَّـه
ناخذ من علوم الرجال النقييـن=اهل العلـوم الطيبـات النقيَّـه
سوالف ٍ صارت لاهلها نياشيـن=راحو وجزلات السواليـف حيَّـه
ناخذ مدى صولاتهـم بالمياديـن=في سجِّة ٍ بين السمـي وسميِّـه
سجّة زمان ولذة العمر يا حسين=لا سقت رجلي بالديـار العذيَّـه

يلومنـي بطلعـة البـر مـقـرود =يلومـنـي بلـذتـي وانبسـاطـي
لوهي على كيفي اليارحت ماعـود=مار البـلا حبـل قـوي الرباطـي
لاصرت في روض به العشب ماجود =ريح النفل ويا الخزامـى اتعاطـي
او راس طعس ومشية الجيب بركود =وشبيت نارك من هشيـم الاراطـي
رفقة ارجال مايجـي منـه منقـود= قروم العيال ولابهم شخص واطـي
ولاترافق اللـي خوتـه مابهـا زود= مايلحقـك ياكـود كثـر الغلاطـي