قالت ترى وقت الحكي والضحك راح...بآقول قولي من ضميري بالصريح

الدمع من عينـي تناثـر واستبـاح =وفي كل ليله دمـع عينـي يستبيـح
مدري الليالي ليه في عمري شحـاح = تقصر يديها عن يمينـي لا استريـح
ياكم عطتني في الزمن سم ن ذحـاح = وياكم ليالي مـن بلاويهـا طريـح
ابكي وعزمي بعـد مافزيـت طـاح=أبكي واقوم وعقبهـا ابكـي واطيـح
كل البلاوي لو بقـول لهـا سمـاح = واغفر جميع ذنوب بلواتـي وابيـح
ما بحت ذنب البنت راعية الوشـاح= اللي لها في السالفـه وجـه ن مليـح
اللي بلت صدر ن من الضيقات صاح = تبلاه ضيقه ثـم يكتـم ثـم يصيـح
سدي من الكتمات والعبـرات بـاح = ودمعي على خدي من الصدمه يسيح
ذنبي بأن الحب عندي مـا استـراح= في وسط قلبي صرح حبه ما يريـح
لكن تحملتـه كفـاح ن فـي كفـاح=قصدي يجي من ريح حبه فيه ريـح
اسكن مع ريح الغضي ليل وصبـاح = استنشقـه واتخيلـه ثـم استـريـح
نوره ولا احد ن غير نوره له مراح = سوت بقلبي عرش ثابت مـا يزيـح
حوله ورود ن عطرها في الروح فاح = وفجئه لقيت الورد يذبل ثـم يطيـح
قالت ترى وقت الحكي والضحك راح=بقول قولي من ضميري بالصريـح
الحب قبلـك ورقـه الخفـاق نـاح =وان قلت انا احبك ترى ماهو صحيح
من بعدها عزمي تراخى ثـم طـاح= وما عدت افرق بين روحي والضريح
وايقنت بان الوقـت مداتـه شحـاح = والدمع من عيني لـزوم ن يستبيـح
وان الصدر لا يمكن يجيه انشـراح= ما دمت حي وفي الزمن وجه ن مليح