[السلام عليكم.....أعزائي هذي أول مشاركة لي في منتدى القصص وأنشاء الله تعجبكم وتستفيدون منها جميع...
الاسبوع الماضي كنت اشوف قناة المجد وكان عليها برنامج عن ضيف مميز ...صراحة قصته جدا معبرة ...هو شاب في مقتبل العمر واسمه عبدالله وحاله مثل البعض من شباب هى الايام يعنى لاصلاة في وقتها ولاطاعة والدين في أغلب الايام من غير التدخين والصياعه طوال الوقت مع الربع على قولتهم..المهم الشاب هذا كان اكبر اخوانه وكان عمره تقريبا 18سنة ..في يوم من الايام الدراسيةوكان يوم الخميس دخل على أبوه في المجلس وقت العصر وكان مستعجل قاله الوالد:على وين مستعجل ياولدي ..قال عبد الله :انا بطلع مع الربع لمزرعة واحد من الشباب برجع بعد يومين تامر على شي يبه؟....بعدين نزل على راس ابوه وباسه وطاحت الولاعة من جيبه...الوالد عصب على عبدالله قال له:لاتكون ادخن ياولدي ..رد عليه بارتباك واضح :ها لا لا يبه والله العظيم اني ما ني منهم ..وقام يحلف انه ما مسك سيجارة بحياته...الوالد في لحظة غضب دعا على الشاب وقال له :اذا كنت تكذب علي جعل تنكسر ارقبتك !!!
المهم الشاب طلع وهو ييضحك علي دعوة والده وراح المزرعة مع ربعه واخوه الاصغر منه وكان في المزرعة حوض سباحة كبير وكان عمقه تقريبا مترين المهم اول ما اوصلوا الشباب بدلوا ملابسهم وانزلوا يسبوحون وعبد الله قام يستعرض بمهاراته في السباحة بعدين نزل بسرعة داخل الماء وماحس الا براسه يضرب اسفل الحوض
وتنكسر رقبته وتلف الى ان صار وجه وارءه وحاول يمسك انفاسه لمدة خمس دقايق تقريبا وكان مشلول الحركة تمام وكان بجنبه واحد بس ماقدر حتى يمسكه او ينبه لمساعدته في هذا الوقت ... ماظنوا ربعه ان يكون صار له أي سوء لان هم يعرفون انه سباح و دايم يغوص لمدة طويلة المهم اخوه كان واقف عند طرف الحوض بعدين راح للبقالة لاشراء بعض الاغراض بعد ربع ساعة رجع واخوه على نفس الوضع ..المهم الولد صاح على ربعه ونط في الحوض وحاول انه يطلع اخوه بس ما قدر بروحه فاطلع مره ثانيه و بس للاسف خانه الحظ هالمره وما شافوه ربعه الا وهو يطفوا على السطح ...من هول الصدمة مااحد منهم تحرك لثواني وقاموا يصرخون عليه ظنوا انه مازال بوعيه نزلوا الماء ووجد انا فاقد الوعي بس يتنفس وبسرعة اتصلوا بالاسعاف واخذوه للمستشفى وحاولوا مساعدته باجراء الكتير من العمليات الجراحيه وكانوا يقومون بها من دون بنج او تخدير ومن اهمها شفط الماء من رئتيه اللي كانت متضررة اكثر من باقي اعضاء جسمه واصيب على اثر الحادث بشلل رباعي يعني مايقدر يحرك أي جزء من جسمه الا عيونه ولسانه...وفي نهاية اللقاء معه
وهو مازال إلي الان على وضعه و مازال امله في الله ان يغفر له ويرحمه ...
في الختام سأله المذيع:ما هي امنياتك الان ؟ اجاب بالالم وحرقة :اولا ان يسجد لله قبل ان يقبض الله روحه,وفي هذه اللحظة توجه الى الكاميرا وقال من يشاهدني الان لايحزن على بل احزنوا عندما كنت لاصلي ابدا وانا بكامل صحتي...والامنية الثانية ان يتصحف القرآن العظيم ويقول يمكن ان تكون عند الناس بسيطة بس عندي عظيمة وصعبة كثير..والامنية الثالثة ان يحضن امه نهار العيد مثل باقي الشباب...في هذي اللحظة الدموع انهمرت مني انا ومن كان حولي من العائلة و دعائنا جميعا له بالشفاء وان الله يرحمه ويرفع عنه ويغفر له وجزاء الله قناة المجد على الضيف المميز عبدالله واشكر جميعا القايمين على القناة الخيرة ومايبذلونه في سبيل الاسلام والمسلمين....
فيا اخواتي جميعا ....يا من انعم الله عليهم بالصحة والعافية انصحكم ونفسي بالجهد في الاكثار من الطاعات والبعد عن المعصية صغيرة كانت او كبيرة....
واختم كلماتي لكم )اللهم اغفر لنا مااعلنا وما اسرارنا وما انت اعلم به منا) اللهم امين
اختكم
شقــــاويـــــة
آخر المواضيع
مشاركة : شوفوا دعوة الوالدين شتسوي!!!!!!! 
