اوراق نقدية تتساقط وارض حمراء وسماء خضراء وحمار ابيض صغير يلعب في اعماق الفضاء مع اسماك القرش
هذه لوحة فنان تشكيلي حاول ان يرسم احداث العراق ففاز بجائزة احسن رسمه تعبر عن حال سوق الاسهم القطريه .
لعلنا ان شاء الله انتهينا من شي اسمه مقدمة <<< ما يدانيها
في صباح يوم اغر زقزقت العصافير واقوم وازقزق معها << طراه الصفره التي توهمك بانك رجل في كامل فحولتك وانك فتى اللمبة الحمراء وبعد ما تزقزق تدري انك رخمة وانه لابد من الحبة الزرقاء ومع الحبة الزرقاء تفتقد الرخامة
نرجع لموضوعنا << تونا بادين وبترجع الله يستر ، بعد ما يزقزق الواحد يحس ان راسه خف وتجيه نشوه وحماس قلت ياولد مدامك بالحيوية هذه نظف حوش البقرة ، رحت للحوش ولقيت البقرة مطلعه لسانها وتلحس اي شي مره تلحس الجدار ومره خشب الحوش ومره تحط لسانها في الارض وتفرك راسها انا توقعت ان الاخت سامعه بدلل ابقارك وتوحمت على ايس كريم ، وينا فيه ياخالتي في الدنمارك هنا ما فيه الا تبن ويخب بعد ، وشوي وتطلع لسانها وتمسح خشتها الا طالع من خشتها دم ، وانا اللي اطمر للشايب وانا في الطريق قلت منيب صادمة بالخبر خلني اقول له خبر اقوى علشان اذا قلت له عن البقره تكون ردة فعله معقولة لانه يغليها اكثر من امي ومن الشغالة احيانا ، دخلت عليه واقول له يبه ابي bmw حجم كبير قال الكبير بيعورك وانا ابوك << العن شي انك تتربى في كنف ابو يقدر الوجه ، قلت يبه بطل حركاتك وترى البقرة مدري وش فيها تلحس اي شي ويوم لحست نزتها صبت دم ، ويطمر الشايب قال عسى ما فيها ( ابو حويرش ) هالمرض يصيب لسان البقره ويخليله حرش ( خشن جدا ) ويخليها تلحس اي شي من حر ما توجس فانتبهوا وانا ابوك منها ترى لسانها يجي كنه مبرد ، قلت طيب ماله علاج قال الا يعالج بتعليق لبنة تبن مليانه ملح تلحسها البقره اللين تموت البكتيريا اللي في لسانها من الملح .
خذنا لبنة تبن وحشيناها ملح وكان وقت صلاة الظهر قال الوالد انا ابروح اصلي في المسجد وانت صل هنا وخلك حولها لاتلحس لها شي يموتها وبعد ما جي من المسجد نعلق لبنة التبن او نشوف لها حل ، قلت له ابشر انا ابتوضأ من البركه وابصلي واقابلها الين تجي ، راح الشايب للمسجد وانا رحت للبركه علشان اتوضأ ، المشكله ان حوش البقره ملاصق للبركه ، عطيت البقره ظهري وقعدت على جال البركه وتوني فازرها ومبوبز ابتوضأ وتجيك البقره وتلعطها لعطه لدرجة انها مميله لسانها ومدخلته في المبروكه ثم ساحبته بكل قوه تقول بنت الحرام كنها بتحاسب ببطاقة فيزا ، انا من الروعه والحرارة ما جاء في بالي الا ( لاتستخدم المصعد الكهربائي عند وقوع حريق ) واطب محيفره في البركه واقوم افركها في ارضية البركه جيت كني ابضرب لي كورة جولف من فركي لها وما تسمع الا ( تش تش ) ، شوي الا الوالد جاي يركض وهو يقول تريلة مرض ابو حويرش منتشر في الديره وتقريبا كل البقر جايها هالمرض ، قلت يخرب بيت ابو حويرش واللي عرفني عليك بعد انت تعال شف بقرتك وش سوت ، قال وهو خايف وش سوت قلت جيت ابتوضأ وعطيت البقره ظهري وتوني مبوبز الا هي ، قال ايوه ، قلت له وش ايوه وش باقي يعني ما قلت لك افهمها ياخي لعطتها البقره ، قال عسى ما جاء لسانها شي ، قلت الحين انت هامك لسان البقرة ولا همتك .........تي .
سفهني وراح وفتح فم البقره وشوي الا هو يزاعق تريلة طابت البقرة وراح ابو حويرش << ما تلاحظون ان ابو حويرش ما يصيب الرجاجيل المتزوجين خخخخخخخخخخخخخخ ، وش رايك وانا ابوك انا عندي ثور طيب وهالناس تجيب بقرها ويلقح بقرهم بلاش لانه ما يجوز ناخذ منهم شي اما الحين جاب لنا الله رزق ما حسبنا حسابه نعلم الناس ان لحسة من تريلة تعالج ابو حويرش وهذه بفلوس اما الثور مجانا وابشرك بعد ما تعالج كم من بقره بيصير bmw الحجم كبير ما يعورك ، قلت بعد تنكت ورى ما تجرب انت ، انا لن اسمح لاي بقره انها تلحس أي شبر من جسمي فما بالك بالاشبار الممنوعه ، وش ابصير باتريلة روبنز البقر ، لا والف لا وكلا وحيثما ولا وايكيا بعد ، حاول الشياب فيني بشكل كبير انه يقنعني وان هالمشروع بيدر علينا ذهب وان الفلوس بنلعب بها وبنصير ال فلان لان عندنا فلوس ومو مهم من وين جبناها او كيف المهم عندنا فلوس ، في الاخير وافقت وصاروا الناس طوابير عند بيتنا وكاتبين على باب البيت مواعيد لحس البقر يوميا ما عدا الجمعه للصيانة << من بودره وفازلين وخلافة ، على ان تكون ساعات العمل من 9 صباحا الى 9 مساءأ بتوقيت الدوحة وسعر اللحسه 300 ريال .
صلحوا لي مثل الكرسي الافرنجي بس مفتوح من تحت ورافعيني بحبل الين مستوى راس البقرة بحيث تجي وتمد لسانها وتلحس وتمشي وياللي بعده ، وفعلا ضبطت الامور وصار زبايني اكثر من زباين ثورنا حتى انه انقهر مني ، وفي يوم السعد جاء مندوب من شركة المراعي ومندوب من شركة الصافي واتفقوا مع ابوي على مناقصة اني اجي لهم واعالج بقرهم من ابو حويرش بمبلغ مليون ريال من المراعي ومثلها من الصافي ، وافقنا واتفقنا معهم ووقعنا العقد ، رحت لهم في الشركة وعالجت بقرهم كلهم .
بعد ما رزقنا الله مبلغ محترم قررت مع الوالد اني ابطل هالشغله ونبدأ نطقطق بالاسهم ، بس المشكلة انا مانعرف للاسهم هذه ابد فاتفقت مع الوالد يروح يسأل عن الاسهم وكيف طريقتها وبعدين نبدأ فيها ، راح الوالد وسأل له شايب مثله له خبره في الاسهم وفهمه انه لازم يبيع ويشتري في الاسهم لمدة شهر على الورق بس يعني يتابع الاخبار اللي تأثر بالاسهم مثل اسعار البترول والكوارث وغيرها ويبدأ يجرب يشتري في الكهرباء وسابك مثلا على الورق ويشوف لو ارتفعت وشلون يبيع ومتى يبيع ومتى يشتري وعلمه انه يقدر يتابع الاسهم عن طريق الشريط اللي يعرض في اسفل القنوات اللي في التلفزيون ويبيّن اسعار الاسهم وارتفاعها وانخفاضها ، المشكله هو ما حدد للشايب أي قناة ونتكي انا وهالشايب في الملحق لمدة شهر وانا متابعين شريط قناة الوادي ونقرر يوم نشتري فرح ويوم نشتري جاكلين وبعد شهر قابل ابوي هالشايب وسأله هاه وشلون الاسهم قال ابوي تمام خلاص بنشتري في تركي والشكوى على الله ، ناظره الشايب وقال له الله يخلف عليك انت وايس كريمتك << مدري من يقصد ، تعال معي اليوم ونروح للشاشة واوريك وشلون تبدأ ، رحنا معه للصالة وبعد فترة بدينا نفهم وراس مالنا يزيد ويزيد ويزيد الين صاروا يسموني ( الهامور ) .
صرت اتحكم في السوق وارفع وانزل في الاسهم على كيفي وصار الكل يحسب لي الف حساب ، بعد كم شهر جاني الشايب متضايق يوم وهو يهوجس وزعلان وباله مشغول في الجماعه وكيف يوم صرنا هوامير المفروض نكون اقرب لجماعتنا ونسوي دورية شهرية ونشوف مشاكلهم ونحلها ، قلت له يابوي يوم اني ملحاسة للبقر وهم متبرين منا ويوم الله اغنانا جو يتلزقون فينا وياكثر عيالهم اللي بيعرسون وياكثر ما بيصدمون هالهنود علشان الدية ، وبعدين تعال انا يوم سألت وش نرجع وش جذورنا قالوا لي انا من ( بني قريظه ) اعنبوا ابليسكم بني قريظه يهود يعني شارون ابن آخي ، ولو يدرون عنكم اهل الديره ذبحوكم اقول اتركهم بس ولا عليك منهم .
بعد فترة صار الهامور يفكر في نفسه وانه لازم يتزوج ويكمل نصفه الضائع ، واجيب اكبر مستشاريني وقلت له ابي زوجه تتناسب مع وضعي الاجتماعي ابي زوجة لو يشوفها البلوي شراها للاتحاد << طراه انه يشري أي شي للاتحاد ، ابي وحده مثل ما قال الشاعر ناصر القحطاني في قصيدته يوم انه يبي مواصفات زوجته ، ابي طولها طول باسكال وعيونها عيون زينب العسكري وصدرها مثل صدر اليسا وابي شعرها مثل شعر ام اصفر اللي في اغنية البرتقالة ونعومة نانسي عجرم وكلامها كلام حليمة بولند ابي وحده لاجت وحده ولا راحت وحده ، رح للجرايد واكتب هالشروط في الجريدة بس انتبه يابن الكلب لا تكتب شرط ان يكون لديها خبرة ، واللي تجد في نفسها الكفاءة تجي ونشوف وعلى فكره ترى الجنسية مو مهم .
بعد ثلاثة اشهر لقينا الموت الحمر وجنسيتها لبنانية شعر اسود اذا فلته لازم تولع اللمبة لو انك في عز القايله من سواده ، وطول اذا ناظرتها تقول غريبة وين عذوق هالنخلة ، وصدر من بروزه لو توقف في شارع لفوا السيارات عنها يحسبونها سهم تحويله ، وخشم من دقه يجرحك ، ورموش يوقف عليها الصقر واذا مشت تحس انها تمشي في الهواء واذا تكلمت ودك انها ما تسكت من طريقة نطقها في الحروف وحتى وانت في الغرفة ما تغثك وين المناديل هي حولك انت تلمسها ، قلت بس هذه اللي ابي خلاص واعرس عليها واحط لها عرس حضره كل يهود بني قريظه وكل هوامير السوق واختفيت عن الناس ، سافرت بها لسويسرا ستة اشهر عسل بس الغريب فيها انها اذا جت تتزين او تتمكيج لازم اطلع برى الغرفة وتاخذ لها وقت بس الحقيقة اني اذا دخلت لقيت شي يبرد التسبد ، وفي يوم من الايام طلبت مني اعين اخوها مدير اعمالي واوكله على كل شي وولد عمها مدير الشركه ومدري منهو مدير قسم ، المهم انا اول ما تطلب مني الطلب ارفض واعصب عليها بس اذا ناظرتي وقالت ( ولوووووووووووووو ) خقيت وضفيت اهل بيروت كلهم عندي بالشركة وخليت الدعوه في الشركه لبننه .
ويوم رجعنا للدوحه رحت بها للاستراحتي في الشمال ومن غبرة الشمال قامت هالطخمى تعاطس وفجأة جتها عطسة قوية يوم رفعت راسها الين وحدة من عيونها زرقاء والثانية سوداء ورموشها الطويله ما فيه الا وحده والثانية كنها عيون قطط طريق الخرج تشوف وحده وبعد عشرة كيلو تشوف الثانية قلت خير ان شاء الله وش هذا ، قالت ولووووووووووووووو قلت على تبن وين العيون الزرقاء والرموش الطويله قالت اسمع ابن عمي انا بعترف لك بكل اشي كل جمالي هذا تركيب يعني عيوني مش زرأ عيوني ساودا وهيدي عدسات والرموش هيدي رموش صناعية ، وانا اللي اعصب عليها واسحبها من شعرها الا اطرافه في يدي قالت حتى شعري موصلته قلت اعنبوا ابليسك ما بقي الا هالصدر قالت حتى الصدر هيدا سليكون ، قلت اشوى انه سليكون عندي دريشة في هالاستراحة اذا جاء مطر غثتني يتسرب المويه منها تعالي خليني افغص هالسليكون فيها علشان يمنع التسرب ، الحين يابنت الكلب لو انك مرضعة أي بزر من بني قريظة بيصير اخو ولدي من السليكون والا افرضي ان ولدي يرضع منك وسورب عليه هالسليكون ينشب فم ولدي في صدرك روحي وانتي طالق الله ابوك يالمزيفه ، انا لو اعرس من بلدكم ثاني مره مسكت البنت وناظرتها تحت اللمبة علشان اشوف الخط حق التزوير والا وشوله اعرس من بلدكم ثاني مره معطينا الله هالطبيعيات اللي كلهم ملح وقبله ونروح ندوركم يا فتيات التشليح .
طلقتها وفصلت اخوانها وكل اهل ضيعتهم لا بارك الله فيهم ضيعوني لانهم كانوا لاعبين في حلالي ويحولون كل فلوسي لارصدتهم ، فقررت اني ارجع انا واتابع شغلي بنفسي رجعت لصالة الاسهم بعد ما نستنيها ولقيت الهوامير متأثرين من غيابي لاني انا اللي اتحكم في السوق توني جالس في الصالة واتابع الشاشة الا ذاك الشايب جاي لي وهو ينافخ وصوته مرتفع ويقول وينك فيه ضيعتنا وضيعت هيبة الهوامير في السوق ، قلت من هذا قالوا هذا ابو المكيرش انا احسبهم يقول ابو حويرش والله وافزرها في الصالة قلت مع العلم اني مبطل لكن علشان خاطر هالشعيرات البيض تعال خذ لك لعطه ، تلفتوا الهوامير وناظروا بعضهم وقالوا هذا كفو يصير هو الهامور اللي يتحكم في السوق ويتفقون عليّ واي شركة انا مساهم فيها باعوا اسهمها وصاروا يحاربوني وبدال ما انا الهامور صرت في السوق الضاطور معاد احد يعطيني وجه وخسرت كل شي وهذا عيب اللي ما يقابل حلاله بنفسه ويعتمد على اللبنانين في ادارة اعماله لو انهم من عيال بلدي كانوا يمكن يخافون عليّ ويهتمون فيني .
رجعت لديرتي وانا كلي امل في ان ابو حويرش رجع للبقر ، لكن ما يمديني لانهم اكتشفوا علاج له ، وصرت اشرب واحشش وامشي حافي وثيابي مشققه وصار صديقي الوحيد مهبول في الديره الله يشفيه لايسمع ولا يتكلم وعقله ماهنا زود ومع الشراب راودته عن نفسه ومدري وشلون هالحركة بالذات هي الوحيده اللي فاهمها وراح وشكاني على القاضي واثناء التحقيق قال لي القاضي انت يالثور ما لقيت الا هذا تراوده عن نفسه هذا مسكين مثل البهيمه قلت والله ياشيخ تعرف الواحد اذا شرب يجي عقله مثل كذا ( واشرت على طرف اصبعي ) وفجأة قام هالمهبول يزاعق ويأشر بذراعه من عند المرفق << مدري وشو فاهم اني اقول للقاضي .
حكموا على بعشر سنوات سجن ومن خلف القضبان كتبت لكم معاناتي
برايفت لكم كل ابوكم
الشيء الوحيد اللي انا فهمته من خلال تجربتي في الاسهم ان كلمة ( هوامير ) اللي يتحكمون في سوق الاسهم ليست جمع وانما هي تعني شخص واحد ( هو أمير ) .
آخر المواضيع
الهامــــــــور 
لاتعلييييييييق
