انا من اللي مجدهم يذكر على طول العصور=ياجعل راس يقبل الذله يموت ولايعيش

الجادل اللي خدها نور(ن)غشاه الله بنور=ساعة عرفها القلب قال اتدللي ولاعليش
ياغايتي لامرش الهاجس يرافقني غرور=ااشوف موتي تحملينه ياغناتي بين ايديش
الهاجس اللي باني(ن)في القلب ميناء مجسور=يفرح ليا جاته بواكر حبكم حزة غبيش
احلف يمين الله ماجا من طرف قلبي قصور=وتدرين لي عامين يابنت الحمايل محتريش
من غيرتي من جاب طارييش يفور الدم فور=انتي ملكتي خافقي والروح تقبل بي عليش
ماودها تخسر هنوف(ن)كل ماقامت تدور=دارت معاها الارض والعاقل يشوف الماء غشيش
ان كان جيتي مرحبا والقدر يعرف فالصدور=لبيش لاشفت القمر لبيش لبا كلبيش
هذا شعوري تعرفه من قبل لاتلف وتدور=والحين تسالني علامك ليش مبعد ليش ليش
يابنت انا قلبي صبور اي والله ان قلبي صبور=والحين لو تبكين دم(ن)من ندم معاد ابيش
والله ما ارضى بالمذله لو مساكنكم قصور=ولو شايبش يامر وينهي ويش يعني ويش ويش
انا من اللي مجدهم يذكر على طول العصور=ياجعل راس(ن)يقبل الذله يموت ولا يعيش
اقولها لش واذلفي والجسم مثواه القبور=والعز ولا مع رسول الله وسلالة قريش
دام يوور بيرنتس اوول ذا تايم ااي نو يو ول بوور=يعني كذا بالعربي الله يلعن والديش