فقيرة دخلها الشهري ما يقضي له ثمن فستان
لكن سر الجمال اللي كساها في بساطتها
عصاميه تعرف ان الا رادة تصنع الانسان
دكية من عرفها يضرب امثال بشطارتها
واهم اللي يميزها توكلها على الرحمن
ما باحت يوم بالشكوى لعمتها وخالتها
عزيزة نفس تصمد للظروف ووطأة الحرمان
مثلها فالحياة (الناس تضعف عند حاجتها)
وهي ما ودها تضعف لغير الله مهما كان
تقول:العسر معه اليسر, وتقدم قناعتها
طموحه والطموح اللي يسيرها على برهان
تراجع كل خطوه درب يوصلها لغايتها
معاها أحلام وردية واملها يشبه البستان
غصونه عزمها الوقاد واثماره صلابتها
عسى ربي يوفقها ويعصمها من الشيطان
وعسى ما تطلبه تلقاه وتحقق سعادتها
ناستني واقول الله يسامحها عليه النسيان
مع اني كنت في وقت مضى سر ابتسامتها
اداريها لا ضاقت واحتويها والغلا ميدان
واقـــدرها لجل تبــــقى مكانتها مكانتها
ثلاث سنين ودروب المفارق ما لها عنوان
ثلاث سنين وجموع الطوارى في ضيافتها
تذكرني مشاويري من الدمام للظهران
سوالفها العذيه وانسجـــــامي في رحابتها
اسمعها الكلام اللي يبدد وحشة الاحزان
وهي كانت تسمعني وانا انهل من ثقافتها
طريقة سردها لعلومها فيها ثقه واتقان
قبل لا انهي سؤالي تسبق حروفي اجابتها
وسيعة معرفه وادراك ما تشكي من النقصان
كأن الجامعات السبع سطر في شهادتها
سحرني وصفها النادر وصرت بحبها هيمان
ذكاها.حسنها .رقة مشاعـــرها .لطافتها
ولا ادري ليه قفت واتركتني هايم حيران
أكيد اللي حداها عن طريقي فوق طاقتها
على غفله طوت حبل الوصل ماكن شىء كان
ياليت فراقها جرعات كان اقبل نهايتها
لكن الله يبارك في بيوت الشعر والقيفان
عساها لا قرت جرحي تجدد لي علاقتها
أرجو أن تعجبكم القصيدة مثلماأعجبتني لشاعر مبدع سالم صليم...
اختكم:شقـــاويــة
[/font][/size][/center][/color]...[/font][/size][/center][/center]
آخر المواضيع
فقيرة!!!!!!!!! 
