شدني غيم(ن)تشوق اهل الغرام ابروقه=يشتعل قدام عيني ويتنصا راسي
كنه اليا من تقادح قصت(ن)مفروقه=للهنوف اللي عيوني لجلها حراسي
الهنوف اللي تتل القلب من معلوقه=جعلني فــــدو العيون النجل النعاسي
ليه يامغيب عمري وياشعاع اشروقه=وليه ياقلبي وياعيني ولب احساسي
تنفرد ماتدري ان مطرودتك ملحوقه=ااتذكر طيفها لامرني نسناسي
انت تدري كيف ابو زيد(ن)فقد معشوقه=وتدري بعنتر وعبله لاتسوي ناسي
ياخشوف الريم اصابع شاعرك محروقه=من كثر ماطقها على المقام الراسي
المقام الراسي اللي شجرته وعذوقه=ماتذوق الا قراح وغير ذلك خاسي
الله يحميها من عيون الحسود وموقه=والله يحميها من الوسواس والخناسي
جادل(ن)دشت حشاي وقفلت صندوقه=واستلذت في ولايتها بقطع انفاسي
ظالمه ماتسمع الشاكي ولامنطوقه=اجبرتني قالت اشرب والبلا في كاسي
ان شربت اشوف قلبي للجحيم اتسوقه=وان رفضت اصبر على هجر الحبيب القاسي
بري حالي مادخلنا في الغرام وسوقه=لو دخلنا السوق شفنا للغرام اجناسي
ياوجودي بري حالي والعروق اعروقه=في فراقه موت قلبي وابتسامة ياسي
اااتسلا واتحداني عبرت(ن)مخنوقه=لاذكرت ولانساني الهم في مجلاسي
آخر المواضيع
الهنوف اللي تتل القلب من معلوقه=جعلني فدو العيون النجل النعاسي 
