قبل مدة روتانا الله لا يبلانا..عرضت لنا قناة روتانا الله لا يبلانا تشييع الفنانه ذكرى
والحقيقه اللي شفته شبيه الى حد كبير بالأفلام الهنديه ذيك اللي يعطي الممثل خوية طراق ويوصله للعراق
حشى ذا ماصار تشييع ذا صار كنه دخلية عرس السندباد
اجل الشله كلهم هاجين وراها لديرتها شكلهم مخططين على المفاطيح اللي بتحط في العزاء
لا وكلهم صوب وذاك النصاب بصوب والله مدري ايش اسمه بس شكله مخرج كاتب فيها خاطره وهم في الطياره ويقول اني تذكرتها يوم كنا نصور وكانت تصور مع بنية صعينونه ولا ادري من الأصغر البنيه ولا ذكرى
هب ياذا عيني عينك اجل ذكرى اللي عدت الأربعين وقدها على مشارف الشيخوخه ماتفرق بينها وبين البنيه الصغيره
ياجماعة الخير اللي ابي اقوله الى متى وحنا نتفرج على المهزله ذي
فنانه ماتت جعلها موت الحوت طيب وش نسوي حنا والله حاله
والمصيبه الكبيره كل هذا على نفقة الوليد بنت طلال
افاااااا والله يابوخالد بدل ماتحط ذا الدراهم في شي ينفع دينك وديرتك تروح تحطها في خرابيط دشير خلق الله
ياخي ترى حنا طفارى والأقربون اولى بالمعروف <<<< يلمح على باله ولد عمه
الحقيقه مدري الى متى وحنا نبكي على الفنان الفلاني والفنانه الفلانيه كان الأولى نوفر دموعنا لضحايا العراق وفلسطين وباقي الدول المسلمه المغتصبه
بس ابو طبيع مايخلي طبعه
بس تدرون والطياره تدور بذا الشله والأخت ذكرى الله يسلمها معهم كني سمعتها تقول : ياطر جيبي طراه هو انا مت
وكني سمعت الطيار يقول : ايوه صديق انتا فيه موت ( احسن )
الموت حق وكلنا بـ نموت بس مو كنهم زودها حبتين
فعلاً عرب آخر زمن
المهم ما أطول عليكم بس اللي عنده احدى القنوات اليهوديه قنوات الغزو الفكري فـ الله الله لا يرده الا الريموت ويحذفها على طول واولهم روتانا ومشتقاتها ولا تنسون العربيه والجزيره
ولا اقول خلوكم على قناة المجد والله تهبل بسم الله عليها
تحياتوووو...:cool:
آخر المواضيع
روتانا الله لا يبلانا .. 
