يفـز قلبـي لا سمعتـه يصـوتّ
لاوحيت صوته قلـت لبيه..لبيـه
هذاك من حبـه عروقـي تـروتّ
ممزوج وسط الدم يجري مجاريه
حبه على حب الخلايـق تفـوتّ
في ذمتي حتى على الروح مغليه
صفحة غلاه بضامري ماتطـوتّ
حاظره في قلبي كما كان ماضيـه
ابي واحبه ليـن حتـى انمـوتّ
أحب من حبه واعـادي معاديـه
ارضاه عنـدي فرصـةٍ ماتفـوّت
أبيع مايزعلـه ورضـاه بشريـه
قلبي وروحي له قسـم ماتغـوّت
روحي وقلبي كلها ملك في ايديـه
عسـى المنيـه لاتدنـت ونـوّت
تصيب غيره لانوت به وتخطيـه
تاخذ بخيلٍ مـن ضيوفـه يلـوّت
وتخلي اللي غالي المال يصخيـه
ياالله يا اللي من عطاك انتقـوّت
أحفظ ابي ياخالقه واحتفـظ فيـه
وأمٍ عظامي مـن لبنهـا تقـوّت
جسمي بصغري من لبنها تغذيـه
تلطف وتستلطـف ولايـوم روّت
ماهي تروي الناس لطفٍ تسويـه
من لطفها ماحدٍ درى ويش سوّت
لاسوت المعروف مأحد درى فيـه
تعطي ولو تعطي كثيـرٍ تشـوّت
ماهي تكاثـر ماتمـده وتعطيـه
وان جيت من غربه بجسمي تلوّت
بجسمي تلوى مثل غالي وغاليـه
والله لو روحـي تلاشـت وذوّت
أني لهـا فيمـا تريـده وتبغيـه
ولبيه لمي كل ماامـي أاتصـوّت
لبيـه اكررهابملـيـون لبـيـه
آخر المواضيع
امـــــــــــــــــــــــي 
مشاركة : امـــــــــــــــــــــــي 
