 |
 آخر المواضيع |
|
كل طير اذا طاار وقع ,,,وكل سهم اذا طار وقعع
|
|
 |
 |
 |
 |
|
|
كل طير اذا طاار وقع ,,,وكل سهم اذا طار وقعع
|
|
|
|
03-18-2006, 10:09 مساءً
|
|
 |
كيف الحال ؟؟ والمــــــــــــــــــــــــــالـ ؟؟؟؟
جاني فايروس منتشر باالبدو الا وهو ماعندي مقدمهـ !!
بدخل في الموضوع على طوووول
بحكم إنا في زماان ضاعت فيه حقوق "حواا ..
ولقت حقوقها كوندليزا رايس ..>>نعم؟!!
حريمنا اللاتي يبون كما يزعمون "حقوقهم " ..>>>>بستثنائي طبعا
غفلو عن هالموضوع في الفتره الاخيره ..
وصارو بهالاجهزه ..وفالبنوكـ ..
ومع الرجال الراس بالراس ,,,
وعندهم محللات وخبيرات اقتصاديات ..
وصارت ام عبدالرحمن تحلل زيها زي ابو عبدالرحمن..
وصارت الوحده مايعوقها شي وهمها ان يرتفع السوق بس!!!!
وصار منهم هامورات ومستثمرات زي مافيه هوامير ومستثمرين ..
وحطو لهم مواقع خاصه ..وفي مجالسهم..كل السوالف اسهم..
بعد ماكانت آخر المكاييج والملابس ..وطبعا آخر طبخه ,,
وصارت هالامور تافهه قدام البيزنس والمنياات..
زي امي شافت وحده في عرس تقول: اني اليوم كنت ناويه اروح للمشغل بس تخيلي مافضيت !!
وش اسوي اليوم السوق طايح ؟"طبعا على ايام ذيك الطيحات الخفيفه موب ذاللي جانا "..
ووحده ثانيه خلت زوجها يتزوج مسيار يوخر عن وجهها لتتفرغ لـ سوق!!
وياما من السوالف اللي ماتخلي الواحد يصدق ,,من جهة الحريماات ,,
اما من الرجاااال فحدث ولا حرج ,,,
اكبر مثال خبر وزارة التربيه انها بتمنع تسرب المعلمين في فترات تداول الاسهم الصباحيه..!
عدم التقيد بمواعيد الحضور الى الدوامات ,,,
كثرة الاستإذان, واستخدام الكذب وسيله !!!!!!
اهمال العمل بشكل عام ومعد صار فيه اهتمام وحرص ..
وصارت الدنيا اسهم فسهم ..
حديث المجالس : اسهم ..
هموم الناس ومرضهم : اسهم ..
اهمال الاطفال ودراستهم : اسهم ..
الاسهم خير ,, وهذا مافي شكـ ..
لكن عيبنا اذا جانا خير نهمل واجباتناا ..
والآآن ..صار الكل يحلل ويطامر ..بيعو اشترو ..
وصارت حديث الناس ..ياااااابشر ملينا ..
وين مانروح مكان اسهم اسهم !!ياليييييييل
جامعات مدارس عروس حفلات ..
وما سلمت المسجات والابداعاااااااات الشعريه ..
امثله:
في الارتفااع والايام الخضراء الله يجيبها ويديمها :
ليتني سهم بعيون محبوبي ..
ارتفع شوي ويبحلق فيني ,,
في الانخفاض .!"قصيدة منقوله"
انهار سوق البورصة يارجاجيل ********** وانهار قلبي معه يوم انهياره
من ياترى المسؤول عن نكبة الجيل ******* من ياترى حط البشر في خساره
من دبر الموضوع في هجعة الليل******** من لي نهب مال المواطن وداره
من زيف الواقع وحصل تساهيل ******** نبي الحقيقه في صريح العباره
نبي حقيقة وضعنا اليوم بالحيل ******** سوق تهاوى في ربيع ازدهاه
مؤشر خالف جميع التحاليل ********* عن سوق عالمنا تحول مساره
افقر عزاز الناس واسقاهم الويل ********* وجا من دعا بالصبر باسم الحضاره
الى متى نصبر بوجه البهاذيل ********* الى متى والسوق زاد انحداره
حطو عروض يابشر كانها السيل ********* والبيع يمنع في عروض التجاره
الوضع واضح مايبيله تعاليل ********* مؤامره محبوكة عن جداره
نهب وغش ومحنة هدة الحيل ********* منها كريم النفس بان انكساره
وياالله انا طالبك طير ابابيل ********* على اهل هذا الفعل تمطر حجاره
حتى يكونوا للخلايق تماثيل ********* وضحكه لراعي المهزله والعياره
على وزن الاماكن ,..
المواشي كلها مشتاقة لك
والقصيم اللي انرسم فيها خيالك
واللجين اللي سرى بروحي وجالك
ماهو بس عمو فتيحي
المواشي كلها مشتاقة لك
المصافي ماتذكرني بشيء
حتى صدق ومعدنيه فيها شيء
لو تغيب الجوف نادك ماتغيب
شوف حايل آآآه من تطري علي
المواشي كلها مشتاقه لك
لمؤشر من نزوله ذاب فيني كل صوت
والتذبذب من جنانه ارتعد فيني السكوت
صرت خايف لا تجيني
نسبة يقفل فيها قلبي
وكل اموالي تروح
آه آه ...آه لو تدري حسابي
كيف ايامي بدونك
تبقى في البنك وتروف
آه آه ...آه من ثمار وين الثمار
وانا قلبي من نزل ماعرف طعم الأمان
ليش كل ماجيت اسأل هالجهاز
أسمع الشاشة تقول
ماهو بس عمو فتيحي
المواشي كلها مشتاقة لك
المبالغ اللي ضحيت انا فيها
مقترض منها وأبيها
بس لكن مالقيتك
جيت قبل العصر يبرد
قبل حتى يذوب في جنح الظلام
واشتريتك
كنت اظن السوق جامد
يرتفع لو بس شوي
كنت اظن الربح واجد
وآخذ معهم شوي
وكنت اظن وكنت اظن
وخاب ظني
مابقى برصيدي شيء
وانتهيت
والكثير من الابيات والحركاات ,
والجانب الرياضي بعد ماسلم...
فـ باكيتا يعلن انو سبب ضعف اداء نجوم المنتخب خسارتهم في سوق الاسهم !!!
والكريكيرات طلعت منها ابداعات وروح رياضيه
بعد دخول السوق "غرفة الانتعاش " على قولة العربيه,,
من بعد دخول السوق "غرفة الانتعاش " سمعنا قصص تقطع القلب و"تسم البدن "
ـ باع ارض ملك له وفلوسها دخلها في سوق الاسهم قبل دخولها غرفة الانتعاش بثلاثة اياام وهو الحين مايبي يرجع راس ماله يبي يرجع ربع راس ماله !!..
ـ خسر كل فلوسه في الاسهم بطريقه عجيبه فبال على الشاشه في البنك قدام خلق الله ..!!
والمستشفيات والعيادات النفسيه امتلت بعد هالطيحه ,,
الله لايعيدها من طيحه ..
الحــــــــــــــمد للـــــــــــــــه ..
استعاد السوق بعض عافيته ..
بعد فزعة الامير / الوليد بن طلال ,,
وقرارات حكيمه من الملك عبدالله
ومن هذا المنبر اود ان اشكر صاحب السمو الملكي الامير/ الوليد بن طلال ..
على انقاذه لــ سوقنا ورسمه للبسمه على شفاة كثير من الناس ,,
ولا اغفل عن الغالي ابو متعب اللي بقراراته
قدر ينقذ سوقنا ,,, ((ربي يحفظكم .
.
.
.
اخيرا,,
هل في امل توخر هالاسهم عن وجيهنا ؟؟وربي مليناا
عموماا ,,
اذا طاح السوق لاتنصرعون ,,((طبعاا اتكلم للي عنده شي؟؟؟
ترى وربي العافيه اهم وفالنهايه مافي شي يستاهل ؟؟
واذا دخلت السوق ترى يمكن تتضاعف فلوسك مثل مايمكن تنتهي !!!!!!!
واذا ارتفع اليوم الا مايطيح واذا طاح الا مايرتفع ..
برايفت للبنات ,,
لا تهملين بيتك وعيالك عشان "وصخ دنياا "
واذا انت مو قادره توازنين بين بيتك والاسهم لا تدخلين ,,,
تمنياتي للسوقنا بالخضااار الداااااااائم ,,,..b1..
اعطر تحيه مني>>>>>>.كلي فداك
|
 |
 |
 |
 |
|
|
|
|
|
 |
|
|
 |
 |
 |
|
|
 |
|
|
|
|
|
|
|
|
|
|
|
|
يتصفح الموضوع حالياً : 1 (0 عضو و 1 ضيف)
|
|
|
قوانين المشاركة
|
لا يمكنك إضافة موضوع جديد
لا يمكنك الرد على المواضيع
لا يمكنك إضافة مرفقات
لا يمكنك تعديل مشاركاتك
كود HTML مغلق
لكل مشاهـده : 5 نقد عربي
لكل موضوع : 15 نقد عربي
لكل رد جديد : 20 نقد عربي
|
|
|
الساعة الآن +3: 01:12 مساءً.
|
 |
|
وصيت قلبي على المرور
