ثلاث قصائد كل قصيدة تقول هذه أفضل من الأخرى ..
السلام عليكم ورحمة الله وبركاته وبعد..
أرجوا أن تنال هذه القصائد على إعجابكم مع المعذرة على عدم التنسيق
-------
قصـيدة للشـاعـر ابراهـيم دحيم الرديعان
------------------
( القصيدة الأولى )
أقف ربع سـاعـة ابسـمع كلامك
وأعـطيك من شي به القلب متكوك
واكحل أعـيوني قبل تمشـي بصـورك
حـيث أن قلبي لك من العام مملوك
هـذي حـسـب عرفي كتبته هـديك
ولولاك ما خـط القلم بأبيض ألبوك
حـبك شـمع بالقلب ما ظـن ينفك
مهـما حـصـل اظن ماهـوب مفكوك
احـبك اكثر من غـلى أبوك وأمك
وأظـن حـبي لك يغطي غـلى أبوك
بالقلب رشـاشـات يسـقن محبك
لما استوى النوار والورد والشـوك
وكنه عـلى قلبي ظهـر باسـمكم صك
أو ورثه جدك ومن بعده أبوك
ومحتار من زين الكلام وبلاغك
قلبي لكم يلعب كما يلعب الدوك
الله بلاني بك وأنا قبل منفك
لمك يجرن دافع الحب بسلوك
رمح المحبة بالضماير دخل شك
ذبحتني من دون ذنب ولا صوك
بأشقر فليل مغطي نصف جسمك
طبيعي ما هو على شكل باروك
ليتك قريب وكل جمعة نزورك
مير البلا دونك مطابيق ودكوك
بعدك عني بعد أم درمان عن رك
ويرتاع قلبي كل ماحل واطروك
لامن تالي الليل هجس الهوى دك
قمت اتقلب كن في مرقدي شوك
وذكرت ماضينا وصافي صداقك
الله يصد اللي عني غصب صدوك
ويوم أشوفك به ترى عندي ابرك
من ايام عمري عندنا يوم مبروك
ولاهب نسناس الهوى أشم ريحك
ريح الشمالي تقل بالطيب مفروك
وهمك على قلبي يضك الحشا ضك
كني سجين ودونه الباب مصكوك
حنت خلوج ومثله القلب حنك
والقلب من بعدك كما الطير مشبوك
وعودت عيني ما تبي غير شوفك
الله يجازي اللي عن الدار شالوك
لو المنى ينفع تمنيت قربك
واشريك بغالي الثمن لو هم اغلوك
مر الله على جيب يرك الوعر رك
من جدته ما قيل لي يوم مفكوك
جديد ما عمره مع السلف يشرك
ولا عدل الصدام من سحبت ألهوك
ومضمون عند الزقدي يوم حرك
عذروبه القيمة على مثل يحوك
ابشلحك عليه من حيث أدلك
وان دار ويل الجيب ماهوب ممسوك
وازبن على اللي ما بطيبة لنا شك
رجل بصعبات ألموا جيب مبروك
الاشعل الفيصل بواجد يعوضك
هو مز بني لدك بالقلب داكوك
في راس عيطى لزبنته يفكك
زبنك اليمن الرديين خلوك
الحر الأشقر في هداده يثيبك
والبوم لا يجذب ولاهوب مشبوك
أحذر عن العفن الردي لا يحوشك
ويبين لك قدر الرجاجيل لاجوك
وبالطيب دايم راع الطيب يدرك
واللي الردي ما ينفعك لوهو أخوك
يصك بابه لابدا لازمك صك
ويحط في دربك عراقيل وشبوك
ومن أبو عدي نبي المشورة ورأيك
حيث أنت من ناس لهم رأي مبروك
احكم مما تسمع ومحتاج شورك
يا فرحت اللي بالملازيم نادوك
ماحد يعارض لصدر صك حكمك
حكيم رأي وقبلي الناس عرفوك
تمون واعتبر القضية قضيك
اركب بحر شعرك على لوح سمبوك
--------------
الشاعر من اهل حايل وهو معاصر
ارجوا ان تنال على اعجابكم
تحياتي
=======================
=======================
القصيدة الثانية)
وقفــت بين الصــدق والكــذب محتـار
أيـّــات مــنهــن أخــــــذه أو أخـــلــــي
أن خذت انا للصدق ضيعت الاسـرار
وان خــذت انا للكــذب ضــيعت كلــي
يـابـنـت انــا والله لــولا هــالاشعـــار
تاخــذ بعض من هالشقاء كان من لي
المعـتــذر فاشـل وانا اكــره للاعـذار
خــص مــن اللي احسبــه كـان خلــي
رجله على الماء يوم رجلي على النار
واثــره اخــذ نــي ســالـفــه للتسـلــــي
لو اكتشف ظـــلـي انـا يــوم غــــدار
لـطعنــك يـانـفـسـي عـلـشـان ظلـــي
كــل الـطيــور لها مـخــالـب ومنـقـار
وشــي مــايطيـر وشـي فـوق متعلــي
يامن نشــدني عـن قــديمات الاخبــار
ما راح خله شف وش اللي حصل لي
السرقــه أصعب كان سـراقك الجــار
والضربــه أقوى كـان جــيت بمحلــي
قــد تحجب الـرؤيه عجاجات وغبــار
لكــن انـا فــكــري بــهــا يـستــدلـــي
مــدوا وانــا مــديت وافـيـن الاشبـــار
لا ذلــــهــــم بـيـّـن ولا بــــان ذلـــــــي
اخـذت انا مـن عــزة الـنفـس مــقــدار
واخــذت انا الكثــره علــى قــل قلــــي
مــاجـيت انا للشـعر نـزهـه ومسيــار
ولا جــيـت ادوّر لــحــظة" للــتجـلـــي
ولا هـوب جرح لكن جروحها كثـار
نـفـس تعـشى جـرح وجـرح تحلــي
صرت مركز لجروح هالكون يختار
منــي جــروحــه وقبــلتـه لو يصلـــي
ياللي ترك روحي على كـف الاقــدار
((لا قلـت لك ياللـي تـراك انت يـاللـــــي ))
الشاعر (00000000000)
==============================
==============================
( القصيدة الثالثة )
مااحبك مااحبك قلتها له استــفًًـــزه
وان بغيتوا الجد والله ما ذبحني الا غـلاه
كل غـصـنٍ بالحنايا لاطريت اسـمه يهــزه
وكل عـرقٍ في خـفوقي باطرف رموشـه ثناه
وكل وادي في ضـلوعي داسـه برجـله وقزه
ماتـــرك روضٍ بقلبي معـشـــبٍ الا رعـاه
فاض فيني الشـوق فاض وقامت عروقي تنزه
والبلى انه مادرى اني شـفق واتحرى لقاه
لو درى ان شريان قلبي لاضـما شوقه يمزه
كان والله مايقــفـّـي تاركٍ خــــله وراه
هـو نسى وش لون سـوى في خفوقي يوم خزه
هو نسى00 ممداه ينسى 00 توّ دينه ماقضاه
ماذكر مخيال حبه هـو نســى يومـه يرزه
مانسى بس يتناسى يحسب ان قلبي نســـاه
بشـروه اني احـبه وان رجــع يبشر بعزه
واللـه ان هـذا مكانه في خـفوقي لابغـاه
كيف مااحبه وانا اللي ماهـناني النوم حزه
كل ماجـاالنوم جـفني سـيّـر بطيفه معـاه
جعل يومي قبل يومه لو جرح قلبي وغـــزه
كانه بخنجــر طعونه لو ذبح قلبي فـــداه
قلتها امزح وصــدق كان قصــدي اسـتفزه
وان بغيتوا الجد والله ماذبحني الا غـــــلاه
==========================
عبدالله فلاح الهاجـري
============
تحياتي
==============
آخر المواضيع
