عيب عليك تخلف مواعيدك وتتركني أهيم
كيف أنا اخفي دمعتي والمزن في عيني رهيم
وأبصر الشمس أكسفت والوقت في وقتي البهيم
هل قدك ثاني خلاص ثاني معادكش الفهيم
اذكرك وانته فقط وحدك وتكفيك الاشارة
لا تصدق قولة الواشي ولا لعب الشطارة
اذكر الصمت الذي يحوي الهوى دون العبارة
هل بقى في الحب ما يكفي لتبديد الاثارة
أسألك بالله تقل لي ما الذي غير طباعك
لم أخن حبك وقلبي مستحيل اني أبيعك
مش مصدق ان قلبك قد قسى وانا ربيعك
طرفك الجاني هو الجاني وانا وحدي صريعك
قولة العذال لا اصغي لها فانت المحكم
قد رهنت القلب عندك كم تعذبني وكم كم
والكلام من كثر اناتي انتسى اصبحت ابكم
مو جرى لك مو حصلك والجراح اعتى واركم
استعذ بالله تذكرني وقل يكفي وساوس
ما معك غيري خلاص بطل هواجس
لا خيالك ينفعك كلا ولا مليون حارس
والبحار حقك تلاشت واختفت حتى النوارس
شوف يدي امتدت تصافح مامعي غير الورود
لا سلاح عندي ولا ثكنة ولا حتى جنود
شوف مواثيق الهوى والوصل من انقى البنود
وانته وحدك من يقرر ان تعد لابد اعود
وانته مش عادي صفاتك كلها احلى الخصال
لا تراشق بيننا كلا ولا حد النصال
بيننا كل الهوى هيا فلبي ذا الوصال
هل نلم الشمل أو عادك تريد الانفصال؟؟؟؟
#منقول#
آخر المواضيع
قصيدة عدنية 
