مرثيات لطلال الرشيد
مرثية للشاعر : طلال العبدالله الرشيد(العطيب) في الفقيد طلال العبدالعزيز الرشيد..
يعني ماكفوك مليـون الشهيـد
تاخذين أغلا الحبايب يالجزائـر
مالقيتي غيـر أطيـب الرشيـد
لو مااخاف الله لاقول الحكم جاير
الله اللـي كاتـب وحنـا عبيـد
ذا قضا رب المساجد والمنايـر
الزمن لو طـال مثلـه مايجيـد
فقد ابو نواف هي ام الخسايـر
مدرستنا في المراجل والقصيـد
طيب الموقف الي دارت دوايـر
لابكـا ينفـع ولاشكـوى تفيـد
مابيدنا شـي لـو الـدم فايـر
مابيدنا غير نصفـق ايـد بيـد
ومن تكلم عنه تخنقنـا العبايـر
مابقى فينا على الشـدة شديـد
اللهب بين الضلوع وفي الضماير
كيف نفرح عقبـه بعـام جديـد
لاهلا ولا مسهلا بواحـد ينايـر
يالله انك تحسبه عنـدك شهيـد
من توفي غدر في بر الجزايـر
.................................................. ....................
محمد البراهيم يرثي الفقيد طلال الرشيد
يانجم ياللي غبت والاجـل محتـوم
بقلوبنا عايـش وتعـرف وتنشـاف
يبقى مكانك في سما المجد مرسـوم
لو كان واريـت الثـرى يابونـواف
نجمك لمع لوكان من حولك نجـوم
مجد لطلال ومجد من عهد الاسـلاف
بأرض الجزايرمات من نجد شغمـوم
طلال موته غدر في كـل الاعـراف
الله يجبـر بالعـزا كــل مكـلـوم
وحزن العيون اللي بهاالدمـع ذرّاف
على سمانـا خيّـم الحـزن بغيـوم
مرحوم ياللي لك مكانـه وميقـاف
يبكيـك مهمـوم وينعيـك مغمـوم
ويبكي على موتك مساكين واضعاف
ويبكيك مرضـان ويتيـم ومحـروم
الخير لك مبـدا وغايـات واهـداف
بقلوبنـا ذكـراك تبقـى بهـا دوم
عالي مقام وبالفخر فـوق مشـراف
حر(ن)على درب العلا تبعـد الحـوم
ومن بعدك المقناص والشعر ينعـاف
ارثيك من حزن(ن) بالاحساس مكتوم
يالله عسى الرحمه لك فراش ولحاف
ومنازلك بالخلد مع صفـوة القـوم
ويجبر عزانـا فيـك والـرب رواف
لولا الاجل ماهـو مقـدر ومقسـوم
والله لا اقول الموت ماعنده انصـاف
يالله ياللي بامـرك العبـد محكـوم
تحفـظ لناعبدالعزيـز(ن) ونـواف
وتحيااتووو..
آخر المواضيع
