¨°o.O ( قصــة الحـب .. ) O.o°¨
.. كالعادة في البداية .. تظهر بطلة القصة ... ويقع البطل في
الغرام ... ويقول (( من ظهرتي ...))
من ظهرتي ...
كل خلق الله غابت ..
ذابت ..
بس بقى للناس انتي ..
من ظهرتي ..
شفت هذا الكون يصغر ..
ولا بقى للعين منظر ..
إلا عينك ...
إلا أقداري بجبينك ...
يا غلا هالكون انتي ...
من ظهرتي ..
الكل يسأل ...
منهو انتي ...
كان ودي اصرخ بصوتي واقول ..
هذا كل الكون عندي ..
من ظهرتي ..
صرت أهاذي ..
صرت اخلط بين ذيك وبين هذي ..
حتى عيني ..
مثل باقي الناس غابت ..
ذابت ..
هذا كله .. من ظهرتي ..
ثم بعد ذلك تستمر قصة الحب ... وتنضج .... وتصبح المحبوبة ملاك في نظر البطل ...
يـ لون الورد ياعمري وحياتي ..
........................... صباح الخير يا أحلى ملاك
يضيق الكون لو يزعل غناتي
..........................واحس الناس ما تسوى بلاك
يمر الوقت ودري فيه آتي
..........................وباقي العمر لو تطلب فداك
بدون عيونك الحلوة أحاتي
..........................وحلاة الكون ما تغلب حلاك
أسير الدرب ضايع فيه ذاتي
..........................يزول الذات بس ابقى معاك
يقولوا النفس تغلى بالممات
.......................ونا أرخص حياتي في هواااااااك
بعد ذلك ... تصل القصة الى الذروة ... ويعترف البطل بشيء مهم ويقول صدقيني
صدقيني ..ماخنت حبك لو دقيقه
................حتى شعري يا غلا ما يوم خانك
ماعرفت بدنيتي مثلك حيققه
.............ولا ابي اعرف هوى يصبح مكانك
حتى روحي ماتبي تصبح طليقه
...........في سجن محبوس والحارس حنانك
في خدودك ورد وعيونك حديقه
............مستريح البال يا عمري بحنانك
كيف بعرف يا غلاة الكون ضيقه
...........وكل هذا الحسن بالتكميل زانك
وكباقي قصص الحب ... يحدث أحيانا زعل بسيط ... ويعتذر البطل للبطلة ويراضيها ...
أن رضيتي زانت الدنيا بعيني
....................وان زعلتي ضاقت الدنيا علي
ماقصدت الجرح عمري سامحيني
....................كيف اجرح ياغلا ميت وحي؟
لو وصلت بشوق ادري بك تبيني
...........عطشان بـ رضي وانتي للعطشان مي
كل ما يعنيك مكتوب بجبيني
..................واعذريني ما بعد فرقاك ضي
يا اجي ولهان أو أنك تجيني
.................ما يهون الزين يتنهد ب"أي"
وبعد ذلك ... يعترف البطل للمحبوبة بحتمية الفراق ... ويعترف ويقول (( اخذ مني الزمن وايد))
أنا واحد ...
أخذ منه الزمن وايد ...
نساني الوقت من بدري ...
سرقني من وسط زهري ...
وادوّر فالهوى شاهد ....
تجي توك تحبيني ..
وانتي بأول المشوار ..
أحبك بس عذريني...
تراك الشوق في عيني ..
ولكن للهوى أقدار ...
أحبك اهمس لقبلك ..
واشوفك جالسه قربي...
وانتي بعيد ...
وانا ادري ...
ترى كثر الهمس مـ يفيد ...
هذي حيلتي فحبك ...
بروح بعيد عن دربك ...
ويهمس قلبي لقلبك ...
أنا واحد ...
أخذ منه الزمن وايد ...
احبك بس عذريني...
ترى كل الوله فيني ...
ولكن مـ " قدر" أعاهد ..
وتتأثر المحبوبة .. وتبكي .. ويبكي البطل الوفي ورغم ذلك يصف نفسه بأنه (( غدّار ))
انا غدار ...
انا كل الغدر دربي ...
أنا مستاهل الدمعة ..
ولا السمعة ...
انا كلي دروب قصار ...
حارت دمعتي بعيني ولا متفيد ...
احس القيد فيديني.....
وسكين الغدر عيني ....
اضرب من وهب قلبه ...
واقابل زينه بشيني...
وغدري يزيد ....
أنا آسف ...
جرحتك جرح يا عمري ...
يفز لدمعتك صدري ...
يضيق لخاطرك كوني ...
يريت الدمع فعيوني ..
وابكي دم من لوني ...
أنا غدار ...
أنا كلي دروب قصار ...
أنا ارجوك انسيني ..
تناسي كل عناويني ..
تناسي ما تبي تذكار ....
أنا غدار ...
انا كلي دروب قصار ...
ويجلس البطل في عزلة ... يلوم الزمان ... ويسأله (( كل ما أوهب حناني .... ))
كل ما اوهب حناني ...
واصنع المحبوب بيدي ...
فجأه يغدر بي زماني ...
وينكسرمـ الأيد قيدي ..
ويبتعد عني واعاني...
وتنتهي ايام عيدي ...
وانا توني بصدر الفل ..
اموت وانحيي بعطره ..
واغيب واختفي بزهره ..
وفجأه من حياتي يفل ...
تعبت أسامح واقسى ..
ومره اذكره وانسى ...
ومره ابحر فذكراه ...
ومره يختفي المرسى ....
اعيش سنين نسياني..
اقول يا قلب يكفي بس ..
تعلم من جروح الامس ..
تذكر لاتحب غيره ..
ترى بتعيش في حيره ..
وترجع فالهوى تعاني ...
زماني لا تحيرني ..
دخيلك لا تدمرني ..
بعيشك لوشرات الظل ...
اغيب واختفي واطل ..
اعيش بدنيتي منسي ..
تشابه يومي وامسي. .
ويجلس في ظليلي الخل ..
البطل .. يعاتب قلبه العنيد ... ويقول له ..( خلاص ...أنساه )
خلاص يا قلب انساه
....................ارتاح وريحني معاك
اعرفك ياقلب تهواه
..................وكم طربت الليل بغناك
كم تحب العين ملقاه
................. وفي عيونه تريد منفاك
لا تخلي الجرح مأساه
................وانته عارف وين مسراك
اعرفك بتظل تهواه
.................. لو تناسى يوم يهواك
تتبع الونات بالآه
..................وهو دواك وكل مشفاك
وتنتهي القصة .. ويتفارق الأحباء ... ولكن تبقى للقصة تكملة أخرى ..بكلمة (( آسف ))
بعد هذا العمر آسف ...
وليت الوقت يجمعنا ...
وأطهّر من الذنب نفسي ..
واخلي للهوى معنى ...
واعوض دمعك الغالي ..
ولا يطري احد غيرك ..
على قلبي وعلى بالي ...
واذكر كل حكاياتك ...
واضمك حيل في صدري ..
واوّعوّض كل ما فاتك...
على تقصيري وغدري ..
وارجع في سكون الليل ..
اسلّي خاطري بشوفك ..
واشكي من الزمن والويل ..
يعانق صوتي سكوتك ..
وتقل لي يا بعد عمري ..
تعال احلم على صدري ..
ترى مالك احد غيري ..
لا تتعب ولا تشقى ..
ومثل حبي الاول ...
محال بدنيتك تلقى. ..
*** النهاية ***
منقول
آخر المواضيع
قصة حب 
