يا يمّـه .. منتهي جيتك وطالب منك iiالغفـــــران
أقبـّـل قاعة أقدامك واغسلها iiبدمعاتـــــــــــــــــي
يا يمّـه .. كل مافيني يناديلك أنا iiندمـــــــــــــــــان
طلبتك؟.. قولي سامحتك وردي لوجهي بسماتي
أنا أدري قلبك الطيب كسرته بصدمة النكـــــران
غلطت .. وغلطتي هذي تعير كل iiغلطاتــــــــــي
تشوفي الشيب يا يمّـه ترى ماجا وأنا فرحــــان
وربي إلي رفع ذاتك ونزّل للردى ذاتــــــــــــــي
فقدت الراحة من بعدك .. فقدت الطيبه والتحنان
بدونك .. راحتي غاية بدينك هذي راحاتـــــــــي
أنا بعدك ولا حاجة أنا بعدك ترى عميــــــــــــان
أشوف .. ولا أشوف إلي يوريني iiمساراتـــــــي
أنا وسيد الشّـقى والهم من بعدك غدينا أخــوان
يجيب هموم هالعالم .. ويرميها iiبمتاهاتــــــــــي
صدقتي .. يوم قلتيلي تدين اليوم بس تنــــــدان
رميتك في بداياتي .. ورموني في نهاياتــــــــي
أنا من شالك بيده ورماك بأسفل البركـــــــــــان
نخيتيني .. وطلبتيني .. ولا حصّلتي نخواتـــــي
مثل ماهنتي بعيوني .. عليهم قلبي يمّـه iiهـــــان
رموني وضعتهم فزعه .. وأنا الدمعات فزعاتي
يا يمّـه لا تظنيني أنا من فعلهم زعـــــــــــــلان؟
سواتٍ فيك سويته وسوّو فيني سواتـــــــــــــي
يا يمّـه .. يالله ظميني ودفيني بهالأحضــــــــان
أنا أدري فيك مشتاقه .. وهمك بس ملاقاتــــــي
يا يمّـه (حيييييييل) ضميني أبي أرتاح أنا تعبان
تعبت أهرب من ذنوبي ابيك آخر مسافاتـــــــــي
أبسمع منك أي كلمه .. لصوتك مسمعي ولهان
أبسمع (يمّــه) بصوتك أبذكر فيها نشواتـــــــي
أشوفك ساكته يمّـه ؟!!.. غفيتي ولا أنا غلطان؟
غفيتي يا بعد عمري؟.. تعبتي من مواساتــــي؟
يا يمّـه طالبك قومي .. إذا لي في عيونك شان
أشوف الموت بعيونك .. عساها تخيب هقواتي
تعالوا يا بشر شوفوا أنا محتار أنا تلفـــــــــان
أنا أمّي مدري وش فيها أنا مدري أنا أحاتـــي
شنو ؟؟ أمّي أنا ماتت !!! لا لا.. لا ترى iiغلطان!!!
أنا أمّي ما تخليني على حزني ووناتـــــــــــي
أنا أمّي قلبها طيب ولا يمكن تبكي إنســـــــان
أنا أمّي ما تبكيني .. ولا تتمنى آهاتــــــــــــي
يا يمّـه صح ما متي؟ .. وصح الموت تو iiماحان؟
إذا متي أنا بعدك أبقضي وين ساعاتـــــــي..؟
يا يمّـه قومي يا يمّـه .. وقولي الموت لا ما كان
أنا جتيك وأنا ناوي أببدي فيك جناتـــــــــــــــــي
تركتيني ومتي ليـه؟؟ تركتيني وأنا iiغرقـــــــــان؟
ولا مسموح يا وليدي!! .. ولا تلعنك iiلعناتــــي!!
أنا الجاني ، وأنا المجني ، وأنا المخطي ، وأنا الندمان
وأنا بإيدي رميتك إيه .. وبعثرت أهم iiملفاتـــــــــي
وجيت من الهنا مفلس .. وقلبي من الضنا خسران
تركتيني على ناري أعدد فيك زلاتـــــــــــــــــــــــي
ولاني مرضيٍ ربي .. ولاني تابع الشيطــــــــــــــان
أنا بعدك ترى مابين نهاياتي وبداياتــــــــــــــــــــي
يا يمّـه منتهي جيتك وكلي مرتجي غفـــــــــــــــران
وشفت الناس تلعني .. وتحذرني من iiالآتـــــــــــــي
آخر المواضيع
يـــا يــــمـــه 
